રાજસ્થાનના ઝાલાવાડમાં શાળાના બાળકો સાથે એક મોટી દુર્ઘટના બની છે. આ વિસ્તારમાં એક શાળાની છત તૂટી પડવાના સમાચાર સામે આવ્યા છે, જેમાં ઘણા બાળકો દટાયા હોવાની આશંકા છે. ઝાલાવાડ જિલ્લાના મનોહર પોલીસ સ્ટેશન વિસ્તારના પીપલોદીમાં સરકારી ઉચ્ચ પ્રાથમિક શાળાની છત અચાનક તૂટી પડી હતી. જેના કારણે વર્ગમાં હાજર વિદ્યાર્થીઓ તેની નીચે દટાયા છે. મળતી માહિતી મુજબ, વર્ગખંડમાં લગભગ 60 બાળકો હાજર હતા, જેમાંથી પચીસ બાળકો દટાયા હોવાની આશંકા છે.
ચાર વિદ્યાર્થીઓના મોત થયા હતા અને ઘણા ફસાયા હોવાની આશંકા છે. આ ઘટના ત્યારે બની જ્યારે બાળકો વર્ગમાં જઈ રહ્યા હતા.પીપલોડી પ્રાથમિક શાળામાં કાટમાળ નીચે ફસાયેલા લોકોને બહાર કાઢવા માટે એક વિશાળ બચાવ કામગીરી શરૂ કરવામાં આવી છે, કારણ કે પોલીસ, સ્થાનિક રહેવાસીઓ અને અધિકારીઓ ઘટનાસ્થળે દોડી ગયા છે. સમાચાર એજન્સી પીટીઆઈ અનુસાર, આ ઘટનામાં 17 લોકો ઘાયલ થયા છે.
શાળાની છત ધરાશાયી થવાની ઘટના બાદ, સ્થાનિક લોકો મદદ માટે દોડી આવ્યા હતા. ઘટનાસ્થળે લોકોની ભીડ એકઠી થઈ ગઈ હતી. લોકોએ કાટમાળ નીચે દટાયેલા બાળકોને બચાવવાનો પ્રયાસ શરૂ કર્યો છે. છત ધરાશાયી થયા પછીના કાટમાળને જોતા એવું લાગે છે કે શાળા ખંડેરમાં ફેરવાઈ ગઈ છે.
દસ બાળકોને રિફર કરવામાં આવ્યા
એક વરિષ્ઠ પોલીસ અધિકારીના જણાવ્યા અનુસાર, ઝાલાવાડની નજીકની હોસ્પિટલમાં દસ બાળકોને રિફર કરવામાં આવ્યા છે, જેમાંથી ત્રણથી ચારની હાલત ગંભીર છે. ઉત્તર ભારતમાં ચોમાસુ ચાલુ હોવાથી ઝાલાવાડ અને નજીકના વિસ્તારોમાં છેલ્લા કેટલાક દિવસોમાં ભારે વરસાદ પડ્યો છે.”ઝાલાવાડની એક શાળામાં એક દુ:ખદ ઘટના નોંધાઈ છે. મને ખૂબ જ દુઃખ છે. ઘાયલ બાળકોની હોસ્પિટલમાં સારવાર ચાલી રહી છે, અને તેમની સારવાર સરકાર દ્વારા કરવામાં આવશે. છત કેવી રીતે તૂટી પડી તે નક્કી કરવા માટે ઉચ્ચ સ્તરીય તપાસ કરવામાં આવશે,” રાજસ્થાનના શિક્ષણ મંત્રી મદન દિલાવરે જણાવ્યું.
આ પણ વાંચો, વડાપ્રધાન મોદીએ તોડ્યો ઈન્દિરા ગાંધીનો રેકોર્ડ, સૌથી લાંબા સમય સુધી પદ પર રહેનારા બીજા PM બન્યા