ઓક્યુ સોલ્યુશન (Oq Solution) દ્વારા રાજસ્થાનના રમણીય અને ઐતિહાસિક સ્થળ કુંભલગઢ ખાતે વાર્ષિક ‘રિટેલર મીટ ૨૦૨૬’નું સફળ આયોજન કરવામાં આવ્યું હતું. આ કાર્યક્રમમાં બહોળી સંખ્યામાં વેપારીઓએ ઉત્સાહભેર ભાગ લીધો હતો.
આ સંમેલનનો મુખ્ય ઉદ્દેશ્ય વેપારીઓ વચ્ચે પરસ્પર સંબંધો મજબૂત કરવાનો, નેટવર્કિંગ વધારવાનો તેમજ ભવિષ્યમાં ધંધાના વ્યાપ અને વિકાસને નવી દિશા આપવાનો હતો. કાર્યક્રમ દરમિયાન વેપાર વૃદ્ધિ અને બજારના નવા પ્રવાહો અંગે વિસ્તૃત ચર્ચા-વિચારણા કરવામાં આવી હતી.
કાર્યક્રમમાં કંપની દ્વારા વિવિધ કેટેગરીમાં ઉત્કૃષ્ટ પ્રદર્શન કરનારા વેપારીઓને પ્રોત્સાહક ઇનામો એનાયત કરવામાં આવ્યા હતા. આ ઉપરાંત, ઉત્કૃષ્ટ કામગીરી બદલ ૨૦થી વધુ અગ્રણી વેપારીઓને મોમેન્ટો અર્પણ કરી વિશેષ સન્માનિત કરવામાં આવ્યા હતા.
કંપનીના સંચાલકોએ ઉપસ્થિત તમામ રિટેલર ભાગીદારોનો આભાર વ્યક્ત કર્યો હતો અને ભવિષ્યમાં સાથે મળીને વ્યવસાયને નવી ઊંચાઈઓ પર લઈ જવાની પ્રતિબદ્ધતા દર્શાવી હતી. વેપારીઓએ પણ આ આયોજનને આવકારીને કંપની સાથેના સંબંધો વધુ મજબૂત બનાવવાની ખાતરી આપી હતી.