ભારતીય ક્રિકેટ કંટ્રોલ બોર્ડ (BCCI) એ T20 વર્લ્ડકપ 2026 જીતવા બદલ ટીમ ઈન્ડિયા માટે 131 કરોડ રૂપિયાના ઈનામની જાહેરાત કરી છે. ભારતે રવિવારે ફાઇનલમાં ન્યુઝીલેન્ડને હરાવીને આ ખિતાબ પોતાના નામે કર્યો.
અમદાવાદના નરેન્દ્ર મોદી સ્ટેડિયમમાં રમાયેલી ફાઇનલ મેચમાં ભારતે શાનદાર પ્રદર્શન કરતા ન્યુઝીલેન્ડને હરાવી ટ્રોફી જીતી લીધી. આ સાથે જ ટીમ ઈન્ડિયાએ પોતાનો ખિતાબ જાળવી રાખ્યો અને T20 વર્લ્ડકપના ઇતિહાસમાં સતત બે વાર ટ્રોફી જીતનારી પ્રથમ ટીમ બની ગઈ.
BCCI એ ખેલાડીઓ, સપોર્ટ સ્ટાફ અને સિલેક્ટર્સને આ ઐતિહાસિક સિદ્ધિ બદલ અભિનંદન પાઠવ્યા છે. બોર્ડે આશા વ્યક્ત કરી કે ટીમ ભવિષ્યમાં પણ આ જ રીતે શાનદાર પ્રદર્શન કરીને દેશનું નામ રોશન કરતી રહેશે.
રિપોર્ટ અનુસાર, T20 વર્લ્ડકપ 2026 જીત્યા બાદ ભારતીય ટીમને 3 મિલિયન ડોલર (લગભગ 27.5 કરોડ રૂપિયા)ની ઇનામી રકમ મળી. જ્યારે, રનર-અપ ન્યુઝીલેન્ડને 1.6 મિલિયન ડોલર (લગભગ 14.7 કરોડ રૂપિયા) આપવામાં આવ્યા. જોકે, આ વખતે ICCએ પ્રાઇઝ મનીની સત્તાવાર જાહેરાત કરી ન હતી, જ્યારે સામાન્ય રીતે દરેક ટુર્નામેન્ટમાં તેની માહિતી અગાઉથી જ આપી દેવામાં આવે છે.
રિપોર્ટ અનુસાર, T20 વર્લ્ડકપ 2026 જીત્યા બાદ ભારતીય ટીમને 3 મિલિયન ડોલર (લગભગ 27.5 કરોડ રૂપિયા)ની ઇનામી રકમ મળી. જ્યારે, રનર-અપ ન્યુઝીલેન્ડને 1.6 મિલિયન ડોલર (લગભગ 14.7 કરોડ રૂપિયા) આપવામાં આવ્યા. જોકે, આ વખતે ICCએ પ્રાઇઝ મનીની સત્તાવાર જાહેરાત કરી ન હતી, જ્યારે સામાન્ય રીતે દરેક ટુર્નામેન્ટમાં તેની માહિતી અગાઉથી જ આપી દેવામાં આવે છે.
ભારતીય ટીમ 2024 પછી 2026માં પણ ચેમ્પિયન બની અને T20 વર્લ્ડકપનો ખિતાબ ડિફેન્ડ કરનારી પ્રથમ ટીમ બની ગઈ. આ સાથે જ ભારત ત્રણ T20 વર્લ્ડકપ (2007, 2024 અને 2026) જીતનારી દુનિયાની પ્રથમ ટીમ પણ બની.
અમદાવાદમાં રમાયેલી ફાઇનલમાં જીત સાથે ભારતે પ્રથમ વખત પોતાના ઘરઆંગણે T20 વર્લ્ડકપ ટ્રોફી પણ જીતી. આ પહેલા ટીમે 2007માં સાઉથ આફ્રિકા અને 2024માં વેસ્ટ ઇન્ડીઝમાં ખિતાબ જીત્યો હતો. હવે ભારતના નામે ત્રણ T20 વર્લ્ડકપ ટ્રોફી થઈ ગઈ છે, જ્યારે વેસ્ટ ઇન્ડીઝ અને ઇંગ્લેન્ડ બે-બે વાર જ આ ખિતાબ જીતી શક્યા છે.
https://www.instagram.com/timenewsguj
https://www.youtube.com/@INTIMENEWSCHANNEL
આ પણ વાંચો: ગરમીને લઈ રાજ્યમાં હવામાન વિભાગે જાહેર કર્યું એલર્ટ, આટલી ભયાનક ડિગ્રીએ જશે પારો