દેશના વડાપ્રધાન મોદી ફરી એકવાર ગુજરાતના પ્રવાસે આવી રહ્યાં છે, આગામી 14 નવેમ્બરે, નવા વર્ષે શક્તિપીઠ અંબાજીમાં કરશે માતાજીના દર્શન કરીને આશીર્વાદ લેશે. બનાસકાંઠાના આ પ્રવાસને લઇ વહીવટી તંત્ર દ્વારા તડામાર તૈયારીઓ શરૂ કરાઇ છે.
આગામી 14 તારીખે વડાપ્રધાન નરેન્દ્ર મોદી ગુજરાતના બનાસકાંઠા જિલ્લામાં આવેલા પ્રસિદ્ધ યાત્રાધામ અંબાજીની મુલાકાત લઈ માતાજીના ચરણોમાં શીશ ઝુકાવી આશીર્વાદ પ્રાપ્ત કરશે, જેને લઈને વહીવટી તંત્ર દ્વારા સુરક્ષા અને સુવિધાઓની તમામ તૈયારીઓને આખરી ઓપ આપવામાં આવી રહ્યો છે.
પ્રધાનમંત્રી નરેન્દ્ર મોદીના આગામી પ્રવાસને ધ્યાનમાં રાખીને બનાસકાંઠા જિલ્લાના જગવિખ્યાત શક્તિપીઠ અંબાજી ખાતે તડામાર તૈયારીઓ આરંભી દેવામાં આવી છે. પ્રાપ્ત વિગતો અનુસાર, આગામી 14 તારીખના રોજ બપોરે બાર વાગ્યે વડાપ્રધાન નરેન્દ્ર મોદી અંબાજી મંદિર પરિસરમાં પહોંચશે અને જગદંબાના દર્શન કરી ધન્યતા અનુભવશે. આ અત્યંત મહત્વપૂર્ણ વીઆઈપી મુલાકાતને લઈને રાજ્યના વહીવટી તંત્ર અને પોલીસ પ્રશાસન દ્વારા સુરક્ષા વ્યવસ્થાના ચુસ્ત બંદોબસ્ત સાથે વ્યાપક આયોજનો હાથ ધરવામાં આવ્યા છે. મંદિર પરિસર તેમજ તેની આસપાસના વિસ્તારોમાં શ્રદ્ધાળુઓની સુવિધા અને સુરક્ષાને ધ્યાનમાં રાખીને વિશેષ વ્યવસ્થાઓ ઊભી કરવામાં આવી રહી છે.