વડા પ્રધાન નરેન્દ્ર મોદી આજે તમિલનાડુના રામેશ્વરમ પહોંચ્યા છે. જયાં તેમણે નવા હાઇ-ટેક પંબન બ્રિજનું ઉદ્ઘાટન કર્યું છે. તેમણે રોડ બ્રિજ પરથી એક ટ્રેન અને એક જહાજને લીલી ઝંડી આપી. પુલની કામગીરીનું પણ નિરીક્ષણ કર્યું અને માહિતી એકત્રિત કરી. આજે, રામ નવમીના અવસર પર, દેશને આ હાઇટેક સમુદ્રી પુલ મળ્યો છે.
પીએમ મોદીએ રામેશ્વરમને જોડતા નવા પંબન રેલ પુલનું ઉદ્ઘાટન કર્યું છે. તમિલનાડુમાં મંડપમ રેલ્વે સ્ટેશનને દેશના પ્રથમ વર્ટિકલ સસ્પેન્શન બ્રિજ દ્વારા રામેશ્વરમ રેલ્વે સ્ટેશન સાથે જોડવામાં આવ્યું છે. પીએમ મોદી રામેશ્વરમમાં રામનાથસ્વામી મંદિરની મુલાકાત લેશે અને પૂજા કરશે. ત્યારબાદ, રામેશ્વરમ ખાતે જ, તેઓ તમિલનાડુમાં 8,300 કરોડ રૂપિયાથી વધુના વિવિધ રેલ અને રોડ પ્રોજેક્ટ્સનો શિલાન્યાસ કરશે અને તેમને રાષ્ટ્રને સમર્પિત કરશે. આ પ્રસંગે તેઓ એક જાહેર સભાને પણ સંબોધિત કરશે.
પીએમ મોદીએ શ્રીલંકાથી પરત ફરતી વખતે રામ સેતુ દર્શનનો વીડિયો શેર કર્યો. તેમણે લખ્યું, આજે રામ નવમીના શુભ અવસર પર, શ્રીલંકાથી પરત ફરતી વખતે, મને આકાશમાંથી રામ સેતુનો દિવ્ય દૃશ્ય જોવા મળ્યો. દૈવી સંયોગથી, જ્યારે હું રામ સેતુની મુલાકાત લઈ રહ્યો હતો, ત્યારે મને અયોધ્યામાં રામ લલ્લાના સૂર્ય તિલકના દર્શનનું સૌભાગ્ય પણ મળ્યું. મારી પ્રાર્થના છે કે ભગવાન શ્રી રામના આશીર્વાદ આપણા બધા પર રહે.