પીએમ મોદીએ રવિવારે છત્તીસગઢના બસ્તરમાં કહ્યું કે હથિયારધારી નક્સલીઓ ચાલ્યા ગયા છે. હવે માનસિક નક્સલીઓ સામે લડવું પડશે. તેમને ઓળખવા પડશે.
પીએમએ કહ્યું કે જ્યારે કોઈ દેશની આંતરિક સુરક્ષા મજબૂત હોય છે, ત્યારે બાહ્ય દુશ્મનો સફળ થઈ શકતા નથી. પરંતુ જ્યારે આંતરિક સુરક્ષા નબળી હોય છે, ત્યારે બાહ્ય દુશ્મનો પણ માથું કાઢવા લાગે છે.
પીએમએ આ વાત છત્તીસગઢના બસ્તરમાં કોબરા ઓપરેશન્સ બેઝ ખાતે CRPF જવાનોની સામે કહી. તેમણે 42 મિનિટનું ભાષણ આપ્યું હતું.
પીએમ સતત 13મી વખત જવાનો સાથે દિવાળી મનાવવા પહોંચ્યા હતા. આ પહેલાં 12 પ્રસંગોએ તેમણે દેશના અલગ-અલગ સરહદી વિસ્તારોની મુલાકાત લીધી હતી. સૌથી વધુ 3 વખત જમ્મુ-કાશ્મીર ગયા છે. હિમાચલ પ્રદેશ અને લદ્દાખની બે-બે વખત મુલાકાત લઈ ચૂક્યા છે.
બસ્તરમાં જવાનો સાથે દિવાળી મનાવવા પહોંચેલા પીએમ નરેન્દ્ર મોદીએ કહ્યું- વીર જવાનો સાથે મનાવવામાં આવેલી દરેક દિવાળી મારા માટે યાદગાર રહી છે. મારા વીર જવાનો, આ વખતે હું તમારી વચ્ચે બસ્તરના જંગલોમાં દિવાળી મનાવવા આવ્યો છું.
મોદીએ કહ્યું, આ એ જ ભૂમિ છે, જ્યાં એક સમયે નક્સલી આતંકનો કહેર વર્તાતો હતો. આજે આપણા જવાનોના સાહસ, ત્યાગ, તપસ્યા અને સમર્પણને કારણે ત્યાં નક્સલી હિંસાનો પ્રભાવ ઘણો ઓછો થયો છે અને વિકાસની નવી દિવાળી આવી છે.
પીએમએ કહ્યું, ‘તમે બધા મારા પરિવારના સભ્ય છો. આ વખતે હું બસ્તરના જંગલોમાં તમારી સાથે દિવાળી ઉજવવા આવ્યો છું. આ એ જ વિસ્તાર છે, જ્યાં ક્યારેક નક્સલવાદનો આતંક હતો. તમારા બલિદાન અને સમર્પણને કારણે હવે આ વિસ્તારમાંથી નક્સલવાદ ખતમ થઈ ગયો છે અને અહીં વિકાસની નવી લહેર શરૂ થઈ છે.’ મોદીએ કહ્યું- હથિયારધારી નક્સલીઓ ગયા પણ હવે માનસિક નક્સલીઓ સામે લડવાનું છે.