PM નરેન્દ્ર મોદીનું કાર્યાલય આજથી બદલાઈ જશે. આજે 14 જાન્યુઆરી 2026 ના રોજ મકર સંક્રાંતિના શુભ દિવસે વડાપ્રધાન કાર્યાલય શિફ્ટ થઈ રહ્યું છે અને હવે PMO સાઉથ બ્લોકમાં નહીં, પણ દારા શિકોહ રોડ પર બનેલા સેવા તીર્થ કોમ્પ્લેકસમાં હશે, જેને સેન્ટ્રલ વિસ્ટા રી-ડેવલપમેન્ટ પ્રોજેક્ટ અંતર્ગત બનાવવામાં આવ્યું છે. આજથી વડાપ્રધાન કાર્યાલય, કેબિનેટ સચિવાલય અને રાષ્ટ્રીય સુરક્ષા પરિષદ સચિવાલય સેવા તીર્થ કોમ્પ્લેકસમાં શિફ્ટ થઈ રહ્યા છે. કોમ્પ્લેકસમાં ત્રણેય માટે અલગ-અલગ બિલ્ડિંગ બનાવવામાં આવી છે.
PMO જે નવી બિલ્ડિંગમાં શિફ્ટ થશે તેનું નામ ‘સેવા તીર્થ-1’ છે. આમાં મોડર્ન વર્કસ્પેસ અને ભવ્ય સેરેમોનિયલ રૂમ્સ છે, જે સેવાની ટીમ દર્શાવે છે. PMO શિફ્ટ થવાની સાથે આજે એક યુગનો અંત થઈ જશે. ભારતના વડાપ્રધાનનું કાર્યાલય 1947 માં દેશની આઝાદી પછીથી સાઉથ બ્લોકમાં જ હતું. સેવા તીર્થ-2માં પહેલાથી જ કેબિનેટ સચિવાલય છે, જે ગયા વર્ષે સપ્ટેમ્બરમાં શિફ્ટ કરવામાં આવ્યું હતું. હવેથી સેવા તીર્થ-3માં રાષ્ટ્રીય સુરક્ષા સલાહકારની ઓફિસ હશે.
આખા સેવા તીર્થ સંકુલ, જેને એક્ઝિક્યુટિવ એન્ક્લેવ તરીકે પણ ઓળખવામાં આવે છે, તેણે લાર્સન એન્ડ ટુબ્રોએ 1189 કરોડ રૂપિયાના ખર્ચે બનાવ્યું છે. તે 2,26,203 સ્ક્વેર ફૂટમાં ફેલાયેલું છે. વડાપ્રધાન કાર્યાલય ખાલી થયા પછી, સાઉથ અને નોર્થ બ્લોકને એક પબ્લિક મ્યુઝિયમ ‘યુગે યુગિન ભારત સંગ્રહાલય’માં ફેરવી દેવામાં આવશે. આ મ્યુઝિયમના ડેવલપમેન્ટ માટે ટેકનિકલ સહયોગ માટે 19 ડિસેમ્બર 2024ના રોજ ફ્રાન્સની મ્યુઝિયમ ડેવલપમેન્ટ એજન્સી સાથે એક કરાર કરવામાં આવ્યો હતો.