દેશની સૌથી અમીર મ્યુનિસિપલ સંસ્થા, બૃહન્મુંબઈ મ્યુનિસિપલ કોર્પોરેશન (BMC)ના પરિણામો પર માત્ર મહારાષ્ટ્ર જ નહીં પરંતુ સમગ્ર દેશની નજર છે. 29 મ્યુનિસિપલ કોર્પોરેશનોમાંથી 23માં ભાજપ ગઠબંધન આગળ છે. મુંબઈ, પુણે, નાગપુર અને નાસિકમાં ગઠબંધન નોંધપાત્ર લીડ મેળવી છે.
બધી મ્યુનિસિપલ કોર્પોરેશનોમાં સૌથી મહત્વપૂર્ણ બૃહન્મુંબઈ મ્યુનિસિપલ કોર્પોરેશન (BMC) છે. અહીં, ભાજપ ગઠબંધન આગળ છે. કોલ્હાપુરમાં, કોંગ્રેસ પહેલા લીડ ધરાવતી હતી, પરંતુ હવે ભાજપ મોટા માર્જિનથી આગળ છે.
સંભાજીનગરમાં પણ ભાજપ આગળ છે. લાતુર અને ચંદ્રપુરમાં કોંગ્રેસ આગળ છે. રાજ્યમાં મ્યુનિસિપલ ચૂંટણી માટે મતદાન 15 જાન્યુઆરીએ થયું હતું. 893 વોર્ડમાં કુલ 15,931 ઉમેદવારો મેદાનમાં છે.
મહારાષ્ટ્રમાં મ્યુનિસિપલ ચૂંટણીના પરિણામો બાદ દિલ્હી ભાજપ હોડક્વાર્ટરમાં ઉજવણીનો માહોલ છવાઈ ગયો છે. પક્ષના નેતાઓએ મીઠાઈઓ વહેંચી. મહારાષ્ટ્રમાં 20થી વધુ મ્યુનિસિપલ કોર્પોરેશનોમાં ભાજપ ગઠબંધન આગળ છે.મુંબઈમાં ભાજપની લીડને જોતા કાર્યકરોએ ઉજવણી શરૂ કરી દીધી છે.
મહારાષ્ટ્રના મંત્રી ચંદ્રકાંત પાટીલે કહ્યું, પ્રારંભિક વલણો સૂચવે છે કે ઝડપથી આગળ વધશે. પાછળ જવાની કોઈ શક્યતા જ નથી.” પુણેમાં આપણે 125નો આંકડો પાર કરી લઈએ તો નવાઈ નહીં લાગે. મુંબઈમાં પણ આવી જ સ્થિતિ છે. પિંપરીમાં પણ સ્પર્ધા એકતરફી છે. કોલ્હાપુર અને સાંગલીમાં પણ આવી જ સ્થિતિ છે. મહાયુતિ ગઠબંધનના મહારાષ્ટ્રમાં સકારાત્મક પરિણામો આવશે. 29 માંથી ઓછામાં ઓછા 28માં મહાયુતિની જીત થશે.