સુરેન્દ્રનગર જિલ્લામાં રાજકીય ગરમાવો વચ્ચે ભાજપે મહત્વપૂર્ણ નિર્ણય લીધો છે. રાજુ કરપડાને ભારતીય જનતા પાર્ટી દ્વારા જિલ્લા પંચાયતની મૂળી-2 બેઠક માટે ટિકિટ ફાળવવામાં આવી છે.
ગઈકાલે જ રાજુ કરપડા ભાજપમાં સત્તાવાર રીતે જોડાયા હતા અને આજે જ તેમને ટિકિટ આપતા સ્થાનિક રાજકારણમાં ચર્ચાઓ તેજ બની ગઈ છે. પક્ષ દ્વારા લેવામાં આવેલ આ નિર્ણયને લઈને વિવિધ રાજકીય વર્તુળોમાં ચર્ચાઓ ચાલી રહી છે.મૂળી-2 બેઠક પર ભાજપે નવા ચહેરાને તક આપતા પાર્ટી સ્થાનિક સ્તરે મજબૂત સ્થિતિ બનાવવા પ્રયત્નશીલ છે. રાજુ કરપડાની ઉમેદવારીને લઈને પક્ષ કાર્યકરોમાં ઉત્સાહ જોવા મળી રહ્યો છે.
હવે આવનારા સમયમાં આ બેઠક પરનો ચૂંટણી જંગ રસપ્રદ બનવાની શક્યતા છે, કારણ કે અન્ય પક્ષો પણ મજબૂત ઉમેદવારો મેદાનમાં ઉતારવાની તૈયારીમાં છે.