દેશની પ્રતિષ્ઠિત આઈટી કંપની ટાટા કન્સલ્ટન્સી સર્વિસીસ (TCS) ની નાસિક શાખા અત્યારે ગંભીર વિવાદોના ઘેરામાં છે. મહિલા કર્મચારીઓ પર યૌન શોષણ અને ધર્માંતરણના આરોપો બાદ હવે એક પુરુષ કર્મચારીએ જે આપવીતી સંભળાવી છે, તેણે કોર્પોરેટ જગતને હચમચાવી દીધું છે. પીડિત કર્મચારીએ આરોપ લગાવ્યો છે કે તેને ઓફિસમાં પરાણે નમાજ પઢાવવામાં આવી, કલમા બોલાવવામાં આવ્યા અને તેની પત્ની વિશે એવી અભદ્ર ટિપ્પણી કરવામાં આવી જે સાંભળીને કોઈપણનું લોહી ઉકળી ઉઠે.
કેવી રીતે શરૂ થયો ત્રાસ? (૨૦૨૨થી ૨૦૨૬ સુધીનો ઘટનાક્રમ)
પીડિત કર્મચારીના જણાવ્યા મુજબ, આ હેરાનગતિ વર્ષ ૨૦૨૨માં તે કંપનીમાં જોડાયો ત્યારથી શરૂ થઈ હતી. તેના ટીમ લીડર તૌસીફ અટ્ટારી અને સહકર્મચારી દાનિશ શેખે તેને ટાર્ગેટ બનાવવાનું શરૂ કર્યું હતું.
- વધારાનું કામ: તેને માનસિક રીતે તોડવા માટે બીજાના ભાગનું કામ પણ તેના પર થોપી દેવામાં આવતું હતું જેથી તે સતત થાકેલો રહે.
- ધાર્મિક ઓળખ પર હુમલો: પીડિત હિન્દુ ધર્મમાં ગાઢ શ્રદ્ધા ધરાવે છે અને રુદ્રાક્ષની માળા પહેરે છે. આરોપ છે કે આરોપીઓ હિન્દુ દેવી-દેવતાઓ અને મહારાષ્ટ્રના આદરણીય સંતો વિશે અત્યંત અપમાનજનક શબ્દો બોલતા હતા.
જબરદસ્તી નમાજ અને કલમા પઢાવ્યા
પીડિતે એક વાતચીતમાં જણાવ્યું કે 2023 ની ઈદ પર તૌસીફ તેને પોતાના ઘરે લઈ ગયો હતો. ત્યાં તેને જબરદસ્તી ટોપી (Skullcap) પહેરાવવામાં આવી અને નમાજ પઢવા મજબૂર કરાયો. એટલું જ નહીં, તેના ફોટા પાડીને કંપનીના ઓફિશિયલ ગ્રુપમાં શેર કરવામાં આવ્યા જેથી તેને શરમજનક સ્થિતિમાં મૂકી શકાય. તેને સતત ‘કલમા’ પઢવા માટે દબાણ કરવામાં આવતું હતું.
હેરાનગતિ ત્યારે ચરમસીમાએ પહોંચી જ્યારે આરોપીઓએ પીડિતના અંગત જીવન પર હુમલો કર્યો. પીડિત અને તેની પત્નીને લગ્નના વર્ષો બાદ પણ સંતાન નહોતું અને તેઓ તબીબી સારવાર લઈ રહ્યા હતા. આ વાતની મજાક ઉડાવતા આરોપીએ કહ્યું કે, “જો તમારે બાળક જોઈતું હોય તો તમારી પત્નીને અમારી પાસે મોકલી આપો.” આ વિધાન સાંભળીને પીડિત અંદરથી ભાંગી પડ્યો હતો.
માંસાહારી ભોજન અને ધર્માંતરણનું દબાણ
શાકાહારી હોવા છતાં, નાઈટ શિફ્ટ પછી તેને હોટલમાં લઈ જઈને પરાણે માંસાહારી ભોજન ખાવા માટે દબાણ કરવામાં આવતું. જ્યારે તેના પિતાને પેરાલિસિસનો એટેક આવ્યો, ત્યારે આરોપીઓએ એવી ક્રૂર ટિપ્પણી કરી કે, “જો તું ઈસ્લામ અંગીકાર કરી લે તો તારા પિતા સાજા થઈ જશે.”
હિંસા અને ખોટી ફરિયાદો
જ્યારે પીડિતે આ બધું સહન કરવાની ના પાડી અને વિરોધ કર્યો, ત્યારે ટીમ લીડર તૌસીફે તેના પર ટેબલ ફેન ફેંક્યો અને જાનથી મારી નાખવાની ધમકી આપી. એટલું જ નહીં, તેને નોકરીમાંથી કઢાવવા માટે હેડ ઓફિસમાં તેની વિરુદ્ધ ખોટી ફરિયાદો પણ કરવામાં આવી હતી.
કોર્પોરેટ કલ્ચરના ઓથા હેઠળ ચાલતું પાપ?
આ કેસમાં માત્ર તૌસીફ જ નહીં, પરંતુ દાનિશ, શાહરૂખ અને રઝા મેમણ જેવા અન્ય લોકોના નામ પણ સામે આવ્યા છે. આ ગ્રુપ પર અન્ય મહિલા કર્મચારીઓને પણ ટાર્ગેટ કરવાનો અને અશ્લીલ ટિપ્પણીઓ કરવાનો આરોપ છે.
પીડિતે હવે હિંમત કરીને કાયદાકીય લડત શરૂ કરી છે અને પોલીસમાં ફરિયાદ નોંધાવી છે. એક પ્રતિષ્ઠિત કંપનીના ઓફિસ પરિસરમાં ધર્માંતરણ અને આટલા ગંભીર સ્તરની હેરાનગતિ કેવી રીતે ચાલી રહી હતી, તે હવે મોટો તપાસનો વિષય છે.
Charodi ગામ નજીક Sanand-Viramgam Highway પર ભીષણ આગ – https://www.instagram.com/reel/DXLySYDDUP4/?utm_source=ig_web_copy_link&igsh=MzRlODBiNWFlZA==
https://www.youtube.com/@INTIMENEWSCHANNEL
આ પણ વાંચો: હવામાન વિભાગની આગાહી; ગુજરાત સહિત 12 રાજ્યોમાં હીટવેવનું એલર્ટ, તાપમાન 40 ડિગ્રીને પાર જશે