ઇન્ટરનેશનલ ક્રિકેટ કાઉન્સિલ (ICC) એ અમેરિકાને જોરદાર ઝટકો આપ્યો છે. ICCએ તાત્કાલિક અસરથી USA ક્રિકેટનું સભ્યપદ સસ્પેન્ડ કર્યું છે. આ નિર્ણય USA ક્રિકેટ દ્વારા એક વર્ષ લાંબી સમીક્ષા અને વારંવાર ઉલ્લંઘનોને પગલે લેવામાં આવ્યો છે.
સત્તાવાર નિવેદનમાં ICC એ જણાવ્યું હતું કે આ સસ્પેન્શન USA ક્રિકેટ દ્વારા ICC બંધારણ હેઠળ તેની જવાબદારીઓની સતત અવગણના અને અનેક ઉલ્લંઘનોને કારણે કરવામાં આવ્યું છે. તેમાં કાર્યરત રાષ્ટ્રીય રમત સંગઠન (NGB)નું કાર્યશીલ શાસન માળખું અપનાવવામાં નિષ્ફળતા, યુએસ ઓલિમ્પિક અને પેરાલિમ્પિક સમિતિ (USOPC) સાથે પ્રગતિ કરવામાં નિષ્ફળતા અને યુનાઇટેડ સ્ટેટ્સ અને વૈશ્વિક સ્તરે ક્રિકેટની પ્રતિષ્ઠાને નુકસાન પહોંચાડતી પ્રક્રિયાઓનો સમાવેશ થાય છે.ICC એ જણાવ્યું હતું કે આ સસ્પેન્શન ક્રિકેટના લાંબા ગાળાના હિતોનું રક્ષણ કરવા માટે એક કમનસીબ પરંતુ જરૂરી પગલું છે. જો કે, કાઉન્સિલે સ્પષ્ટ કર્યું હતું કે સસ્પેન્શનની અસર ખેલાડીઓ અથવા રમતને નહીં થાય. USAની રાષ્ટ્રીય ટીમને ICC ઇવેન્ટ્સમાં ભાગ લેવાનો અધિકાર રહેશે જેમાં લોસ એન્જલસમાં 2028 ઓલિમ્પિક (LA28)ની તૈયારીઓ પણ સામેલ છે.
આ પણ વાંચો. ક્રોપ ટોપમાં શિવાંગી જોશીએ આપ્યા કાતિલ પોઝ, એક્ટ્રેસના ગ્લેમરસ અંદાજ પર ફેન્સ ફિદા