પશ્ચિમ બંગાળના પૂર્વ મુખ્યમંત્રી મમતા બેનર્જીએ રવિવારે આરોપ લગાવ્યો કે તેમની ગાડી પર પથ્થરમારો કરી હુમલો કરવામાં આવ્યો. પોલીસની સામે ભીડે ગાડી રોકી લીધી. કાર પર માટી અને કાદવ લગાવી દીધો. કેટલાક લોકોએ જૂતા-પથ્થરો પણ ફેંક્યા. જો બારી ખુલ્લી હોત તો માથું ફાટી જાત, મૃત્યુ પણ થઈ શકત.
ખરેખરમાં મમતા ઉત્તર 24 પરગના જિલ્લામાં એક ટીએમસી કાર્યકર્તાના મૃત્યુ પછી તેના પરિવારને મળવા જઈ રહ્યા હતા. રસ્તામાં બિજપુર પાસે સ્થાનિક ભીડે તેમનો કાફલો રોકી લીધો. પ્રદર્શનકારીઓએ ‘ચોર-ચોર’ના નારા લગાવ્યા હતા.
મમતા બેનર્જીએ કહ્યું કે, મારી કાર પર હુમલો એક ષડયંત્ર સિવાય કંઈ નથી. મેં પોલીસને જણાવ્યું હતું કે હું અહીં આવીશ, તેમ છતાં પોલીસે કોઈ સુરક્ષા વ્યવસ્થા કરી ન હતી. આખા પશ્ચિમ બંગાળને ગુંડાઓ કન્ટ્રોલ કરી રહ્યા છે.ખરેખર, મમતા તૃણમૂલ કોંગ્રેસ (TMC) કાર્યકર બિરજુ કેઓટના મૃત્યુ પછી તેમના પરિવારને મળવા આવ્યા હતા. બિરજુનું મૃત્યુ હાલીશહર પોલીસ કસ્ટડીમાં તબિયત લથડ્યા બાદ થયું હતું.
પશ્ચિમ બંગાળના કોલકાતામાં 8 જુલાઈના રોજ TMCની રેલીમાં હંગામો થયો હતો. આ દરમિયાન મમતા બેનર્જી નારાજ થઈ ગયા. તેઓ પોતાની જ પાર્ટીના ત્રણ કાર્યકરોને થપ્પડ મારતા જોવા મળ્યા હતા.
ખરેખરમાં, રેલી બારુઈપુરમાં 11 વર્ષની બાળકી સાથેના રેપ-મર્ડરના વિરોધમાં કાઢવામાં આવી રહી હતી. આ દરમિયાન ચોર-ચોરના નારા લાગવા માંડ્યા અને કેટલાક લોકોએ રેલીમાં સામેલ લોકો પર ઇંડા ફેંકવાનું શરૂ કરી દીધું.
TMCએ આરોપ લગાવ્યો કે હંગામો ભાજપના કાર્યકરોએ કર્યો. આ દરમિયાન મારામારી પણ કરી. મમતાએ કહ્યું કે બંગાળમાં અરાજકતા ફેલાઈ ગઈ છે. પોલીસ ભાજપના કાર્યકરોની જેમ કામ કરી રહી છે.