અખાત્રીજ પહેલા સોનાના ભાવમાં થોડો સુધારો જોવા મળ્યો છે. આજે સતત ત્રીજા દિવસે સોનાની કિંમત લાલ નિશાન પર ખુલી હતી. ગઈકાલે એક સમયે સોનાનો ભાવ રૂ.99,000ને પાર કરી ગયો હતો પરંતુ સાંજ સુધીમાં તેમાં સુધારો જોવા મળ્યો હતો. બુલિયન માર્કેટમાં આજે 10 ગ્રામ સોનાની કિંમતમાં સતત ત્રીજા દિવસે ઘટાડો જોવા મળ્યો હતો. બુલિયન માર્કેટમાં 22 કેરેટ સોનાનો ભાવ 90,000 રૂપિયા અને 24 કેરેટ 10 ગ્રામ સોનાનો ભાવ 98,200 રૂપિયાની આસપાસ ટ્રેડ થઈ રહ્યો છે. ચાંદી 1 લાખ રૂપિયાની ઉપર ટ્રેડ થઈ રહી છે.
ચાંદીની કિંમત રૂ. 1,00,800 પર ટ્રેડ થઈ રહી છે. ગઈકાલની સરખામણીમાં આજે ચાંદી 100 રૂપિયા સસ્તી થઈ ગઈ છે.
શુક્રવાર, 25 એપ્રિલ, 2025 ના રોજ, દિલ્હીમાં 22 કેરેટ સોનાની કિંમત 90,190 રૂપિયા અને 24 કેરેટ સોનાની કિંમત 98,330 રૂપિયા પ્રતિ 10 ગ્રામ હતી. મુંબઈમાં 22 કેરેટ સોનું 90,040 રૂપિયા અને 24 કેરેટ સોનું 98,230 રૂપિયા પ્રતિ 10 ગ્રામ પર ટ્રેડ થઈ રહ્યું છે. ગઈકાલની સરખામણીએ આજે સોનાના ભાવમાં થોડો ઘટાડો જોવા મળ્યો હતો.
સોનું મોંઘું થવા પાછળનું સૌથી મોટું કારણ આંતરરાષ્ટ્રીય બજારમાં સોનાની મજબૂત સ્થિતિ અને ડોલરની નબળાઈ છે. યુએસ ડૉલર ત્રણ વર્ષની નીચી સપાટીએ પહોંચી ગયો છે, જેના કારણે સોનાની માંગ અને ભાવમાં વધારો થયો છે. આ સિવાય અમેરિકા અને ચીન વચ્ચે વધતા વેપાર તણાવને કારણે રોકાણકારોએ સુરક્ષિત રોકાણ વિકલ્પ તરીકે સોનાને પસંદ કર્યું છે. રાષ્ટ્રપતિ ડોનાલ્ડ ટ્રમ્પના ચીન પર નવા ટેરિફના સંકેત અને નાણામંત્રી સ્કોટ બેસન્ટના નિવેદનથી વૈશ્વિક અનિશ્ચિતતા વધી છે, જેણે સોનાની ખરીદીને ટેકો આપ્યો છે.
આ પણ વાંચો, AAP: આમ આદમી પાર્ટીને લાગ્યો મોટો ઝટકો, દિગ્ગજ નેતા શક્તિસિંહની હાજરીમાં કૉંગ્રેસમાં સામેલ