ઉત્તર ગુજરાતનાં પ્રસિદ્ધ યાત્રાધામ અંબાજી ખાતે દર વર્ષે લાખો શ્રદ્ધાળુઓ દર્શનાર્થે આવતા હોય છે. ત્યારે અંબાજી શક્તિપીઠ ખાતે ચૈત્રી નવરાત્રીને લઈ નિજ મંદિરના સમય ફેરફાર કરવામાં આવ્યો છે. 30 માર્ચથી 5 એપ્રિલ સુધી મંદિરના સમયમાં ફેરફાર કરવામાં આવ્યો છે. અંબાજી મંદિરમાં આરતી તેમજ દર્શનના સમયમાં ફેરફાર કરવામાં આવ્યો છે.
30 માર્ચથી 5 એપ્રિલ દરમિયાન ચૈત્રી નવરાત્રી નિમિતે અંબાજી આવનારા ભક્તો માતાજીના દર્શન યોગ્ય રીતે કરી શકે એ માટે મંદિરમાં દર્શન અને સવાર અને સાંજની આરતીના સમયમાં ફેરફાર કરવામાં આવ્યો છે. માહિતી અનુસાર, તા.30/03/2025 ના સવારે 09:15 કલાકે ઘટ સ્થાપન કરવામાં આવશે.
ઘટ સ્થાપન ચૈત્ર સુદ-1 (એકમ) રવિવાર તા.30/03/2025 ના સવારે 09:15 કલાકે
દર્શન સાંજે 19:30 થી 21:00
આરતી સવારે 07:00 થી 07:30
દર્શન સવારે 07:30 થી 11:30
રાજભોગ બપોરે 12:00 કલાકે
દર્શન બપોરે 12:30 થી 16:30
આરતી સાંજે 19:00 થી 19:30
અંબાજી મંદિરના મુખ્ય પુજારી ભરતભાઈ પાધ્યાએ જણાવ્યું કે ચૈત્રી નવરાત્રી દરમિયાન માતાજીના ભક્તો દર્શન કરી શકે એ માટે દર્શનના સમયમાં ફેરફાર કરવામાં આવ્યો છે. ભક્તો માતાજીના દર્શન કરી શકે એ માટે દર્શનનો સમય વધારી દેવામાં આવ્યો છે. રવિવારે સવારે સાડા નવ વાગે વિધિ-વિધાન અનુસાર, ઘટ સ્થાપન કરવામાં આવશે. અહીંની પરંપરા અનુસાર, અષ્ટમીના દિવસે હવન થશે, જેમાં જવારા હોમવામાં આવશે.
આ પણ વાંચો, Ahmedabad: સી.જી.રોડ પરની ખ્યાતનામ જવેલર્સની દુકાન બળીને ખાખ, ફાયર વિભાગે 20 કરોડથી વધુના દાગીના બચાવ્યા