કનોટ પ્લેસના સેન્ટ્રલ પાર્કમાં “લહરા દો તિરંગા” વિરોધ પ્રદર્શન પહેલાં અભિજીત દિપકેએ ગઈકાલે મોડી રાત્રે દાવો કર્યો હતો કે દિલ્હી પોલીસ તેમની ધરપકડ કરી શકે છે. સીજેપીના સ્થાપક અભિજીત દિપકેએ દાવો કર્યો હતો કે દિલ્હી પોલીસ તેમને ઘેરી રહી છે. કેન્દ્ર સરકાર પર નિશાન સાધતા તેમણે કહ્યું, “તમે દિલ્હી ઠપ કરી દીધું છે, ઇન્ટરનેટ બંધ કરી દીધું છે અને બેરિકેડ ઉભા કર્યા છે. જો કાલે સીજેપી પાર્ટી કહે કે તેઓ વડાપ્રધાન નરેન્દ્ર મોદીની રેલીમાં તિરંગો ફરકાવશે તો શું તમે તમારી રેલી રદ કરશો? તમે ફક્ત એટલું જ કહો છો કે તમે તિરંગો ફરકાવવા નહીં દો.”અભિજીત દિપકેએ કહ્યું હતું કે , “આઈબી અને દિલ્હી પોલીસ મારી ચારે તરફ ફરી રહ્યા છે. દિલ્હી પોલીસ આજે રાત્રે અથવા કાલે સવારે મારી ધરપકડ કરી શકે છે. અમે ફક્ત જવાબદારીની માંગ કરી રહ્યા છીએ. અમે જ્ઞાનેશ કુમારને હટાવવા અને મુખ્ય ચૂંટણી કમિશનર તરીકે અન્ય કોઈની નિમણૂક કરવા માંગીએ છીએ. સુપ્રીમ કોર્ટનું સાંભળતા ન હોય તેવા જ્ઞાનેશ કુમારને તમે શું ઓફર કરી રહ્યા છો?”
સેન્ટ્રલ પાર્ક સંપૂર્ણપણે જાહેર જનતા માટે બંધ
નવી દિલ્હી મ્યુનિસિપલ કાઉન્સિલ (NDMC) એ વહીવટી કારણોસર 16 અને 17 ઓક્ટોબર, 2026ના રોજ કનોટ પ્લેસમાં સેન્ટ્રલ પાર્કને સંપૂર્ણ રીતે બંધ કરવાનો આદેશ આપ્યો છે. દિલ્હી પોલીસે કાયદો અને વ્યવસ્થા જાળવવા માટે આ વિસ્તારમાં ભારતીય નાગરિક સુરક્ષા સંહિતા (BNSS)ની કલમ 163 લાગુ કરી છે. દીપકે કહ્યું હતું કે, “તમે કેટલી જગ્યાઓ બંધ કરશો? જો આપણે કહીએ કે અમે 1,000 જગ્યાએ તિરંગો ફરકાવીશું તો શું તમે 1,000 જગ્યાઓ બંધ કરશો? આ એક ઈમરજન્સી છે; તમે ફક્ત એટલા માટે કટોકટી જાહેર નથી કરી રહ્યા કારણ કે તમારી છબી ખરડાય છે.”
હાઈકોર્ટે સેન્ટ્રલ પાર્કમાં વિરોધ પ્રદર્શન રોકવાનો ઇનકાર કર્યો
દિલ્હી હાઈકોર્ટે અગાઉ 16 ઓક્ટોબરના રોજ કનોટ પ્લેસના સેન્ટ્રલ પાર્કમાં વિરોધ પ્રદર્શન રોકવા માટે CJP અને તેના સ્થાપક અભિજીત દીપકેએ આદેશ આપવાનો ઇનકાર કર્યો હતો. જો કે, કોર્ટે પોલીસની ખાતરીને રેકોર્ડ પર લીધી કે તેમની પ્રવૃત્તિઓને નિયંત્રિત અને નિયમન કરવા માટે તમામ શક્ય પગલાં લેવામાં આવશે. દિલ્હી પોલીસે કાયદો અને વ્યવસ્થા જાળવવા માટે આ વિસ્તારમાં ભારતીય નાગરિક સેવા સંહિતા (BNSS) ની કલમ 163 લાગુ કરી છે. પોલીસે જનતા અને પ્રદર્શનકારીઓને આ મેળાવડામાં ભાગ ન લેવાની અપીલ કરી છે અને કહ્યું છે કે ઉલ્લંઘન કરનારાઓ સામે કાયદેસરની કાર્યવાહી કરવામાં આવશે.
વિરોધ પ્રદર્શન માટે પોલીસની તૈયારીઓ
પોલીસે જણાવ્યું હતું કે આમ આદમી પાર્ટી (AAP) એ તેના કાર્યકરો, સમર્થકો અને સામાન્ય લોકોને પણ વિરોધ પ્રદર્શનમાં ભાગ લેવા અને મોટી સંખ્યામાં હાજરી આપવા અપીલ કરી છે. દિલ્હી પોલીસના DCP નેહા યાદવે જણાવ્યું હતું કે કનોટ પ્લેસ અને આસપાસના વિસ્તારોમાં વિવિધ વેપારીઓ અને બજાર સંગઠનોએ પણ તેમના મથકોને તોફાની તત્વો અને ગેરકાયદેસર મેળાવડાઓથી બચાવવા માટે રજૂઆતો રજૂ કરી છે અને વેપારીઓએ ચિંતા વ્યક્ત કરી છે કે આનાથી તેમના વ્યવસાય પર પ્રતિકૂળ અસર પડી શકે છે.