અમદાવાદ ટ્રાફિક પોલીસની ડ્રાઈવના પગલે હવે નંબર પ્લેટ વગર અથવા નિયમ વિરુદ્ધ નંબર પ્લેટ લગાવીને ફરતાં વાહનો સામે કાર્યવાહીનો મુદ્દો વધુ કડક બન્યો છે. ખાસ કરીને આગળ-પાછળ બંને તરફ નંબર પ્લેટ ન હોય તેવાં વાહનો ટ્રાફિક પોલીસના રડાર પર છે. શહેરમાં ટ્રાફિક નિયમોના ઉલ્લંઘન સામે અલગ-અલગ પ્રકારની ડ્રાઈવ ચાલી રહી હોવાથી હવે વાહનચાલકોમાં પણ ચેકિંગને લઈને સતર્કતા વધી છે. ખાસ કરીને કાર ખરીદ્યા બાદ નંબર પ્લેટ લગાવવાની પ્રક્રિયા પૂર્ણ ન કરનારા લોકો માટે આ ડ્રાઈવ મહત્ત્વની બની છે.
અમદાવાદમાં છેલ્લા ત્રણ દિવસની ખાસ ડ્રાઇવ દરમિયાન બે બીએમડબલ્યુ કાર સહિત કુલ 200થી વધુ વાહન ડિટેઈન કરી રૂ. ૨.૨૫ લાખથી વધુ દંડ વસૂલાયો છે. આ કાર્યવાહીમાં નંબર પ્લેટ વગરનાં મોંઘાં વાહનો પણ પોલીસની નજરથી બચી શક્યાં નહોતાં. નંબર પ્લેટ વગર, અસ્પષ્ટ નંબર પ્લેટ અથવા નિયમ વિરુદ્ધ નંબર પ્લેટ લગાવીને વાહન ચલાવનાર સામે ટ્રાફિક નિયમ મુજબ કાર્યવાહી થઈ શકે છે. શહેરમાં ટ્રાફિક નિયમોના અમલ માટે ચાલી રહેલી ડ્રાઇવમાં વાહનની નંબર પ્લેટ પણ ચેકિંગનો મહત્ત્વનો મુદ્દો છે. નંબર પ્લેટ વગરનું વાહન રસ્તા પર દોડાવવું હવે માત્ર ટ્રાફિક નિયમનો ભંગ નહીં, પરંતુ ચેકિંગ દરમિયાન વાહન ડિટેઈન થવા સુધીની કાર્યવાહીનું કારણ બની શકે છે. ખાસ કરીને નવી કે મોંઘી કારમાં પણ નંબર પ્લેટ ન લગાવનાર વાહનચાલકો માટે આ કાર્યવાહી ચેતવણીરૂપ બની છે.
નવી કાર ખરીદ્યા બાદ નંબર પ્લેટ લગાવવાની પ્રક્રિયા બાકી હોવાના કારણે કેટલાક લોકો નંબર પ્લેટ વગર વાહન રસ્તા પર દોડાવતા હોય છે, પરંતુ વાહનને કાયદેસર રીતે રસ્તા પર ચલાવવા માટે જરૂરી રજિસ્ટ્રેશન અને નંબર પ્લેટ સંબંધિત નિયમોનું પાલન કરવું પડે છે.