ગુજરાત સ્થાનિક સ્વરાજ્યની 2026 ની ચૂંટણીના પરિણામો જાહેર થઈ ગયા છે. આ ચૂંટણીમાં ભારતીય જનતા પાર્ટી (ભાજપ) એ ફરી એકવાર પોતાનો દબદબો સાબિત કરતા ભવ્ય જીત મેળવી છે. લગભગ તમામ મ્યુનિસિપલ કોર્પોરેશન, નગરપાલિકાઓ અને જિલ્લા પંચાયતોમાં ભાજપનો ભગવો લહેરાયો છે. પરંતુ, આ બધા વચ્ચે સૌથી વધુ ચર્ચા ગોધરાના એક પરિણામની થઈ રહી છે, જ્યાં 100% મુસ્લિમ મતદારો ધરાવતા વોર્ડમાં એક હિન્દુ અપક્ષ ઉમેદવારે જંગી જીત મેળવીને વર્ષો જૂની માન્યતાઓને તોડીને ઇતિહાસ રચી દીધો છે.
ગોધરામાં આ વખતે રાજકારણનું એક સાવ નવું જ ચિત્ર જોવા મળ્યું છે. ગોધરા મ્યુનિસિપલ કોર્પોરેશનના વોર્ડ નંબર 7 માં તમામ મતદારો મુસ્લિમ છે. આ 100% મુસ્લિમ બહુલ વોર્ડમાંથી અપક્ષ ઉમેદવાર તરીકે ઊભા રહેલા અપેક્ષાબેન નૈનેશભાઈ સોનીએ શાનદાર જીત હાંસલ કરી છે. નવાઈની વાત તો એ છે કે અપેક્ષાબેન પોતે આ વોર્ડના મતદાર પણ નહોતા, છતાં તેમણે સ્થાનિક લોકોનો વિશ્વાસ જીતી લીધો. આ જીતે પરંપરાગત ધાર્મિક અને જ્ઞાતિ આધારિત મતદાનની પેટર્નને તોડી પાડી છે.