તમિલનાડુના શાસક પક્ષ દ્રવિડ મુનેત્ર કઝગમ (DMK) એ 19 જૂને યોજાનારી રાજ્યસભા દ્વિવાર્ષિક ચૂંટણી માટે ઉમેદવારોની યાદી જાહેર કરી છે. આ વખતે પાર્ટીએ છમાંથી ચાર બેઠકો પર પોતાના ઉમેદવારો ઉભા રાખ્યા છે, જ્યારે એક બેઠક મક્કલ નિધિ મય્યમ (MNM) માટે છોડી દેવામાં આવી છે. આ રાજકીય પગલાથી અભિનેતામાંથી રાજકારણી બનેલા કમલ હાસન માટે રાજ્યસભાનો માર્ગ મોકળો થયો છે, જે હવે સંસદના ઉપલા ગૃહમાં પોતાની નવી ભૂમિકા ભજવવા જઈ રહ્યા છે.
આ નિર્ણય હેઠળ, DMK એ રાજ્યસભાના વર્તમાન સાંસદ પી. વિલ્સનને ફરીથી નોમિનેટ કર્યા છે. આ સાથે સેલમ જિલ્લાથી પાર્ટીના નેતા એસઆર શિવલિંગમ અને પ્રખ્યાત કવિ અને લેખક કવિનગર સલમા (રુકૈયા મલિક) ને પણ રાજ્યસભામાં નોમિનેટ કરવામાં આવ્યા છે.તામિલનાડુના છ રાજ્યસભા સાંસદોનો કાર્યકાળ 24 જુલાઈ 2024 ના રોજ સમાપ્ત થઈ રહ્યો છે. આમાં પીએમકેના અંબુમણી રામદાસ અને એમડીએમકેના વૈકોનો સમાવેશ થાય છે. ડીએમકેએ આગામી ચૂંટણીઓ માટે તેના સાથી પક્ષો સાથે વ્યૂહાત્મક સંકલન કરી લીધું છે.
ડીએમકેના પ્રમુખ અને રાજ્યના મુખ્યમંત્રી એમ.કે. સ્ટાલિને સ્પષ્ટતા કરી કે 2024 ની સામાન્ય ચૂંટણીઓ પહેલા ચૂંટણી જોડાણની ભાવનામાં એમએનએમને એક બેઠક સોંપવામાં આવી છે. વિધાનસભામાં ડીએમકે અને તેના સાથી પક્ષોની સંખ્યા એટલી બધી છે કે તેઓ સરળતાથી ચાર બેઠકો કબજે કરી શકે છે. તે જ સમયે, ભાજપ અને અન્ય સાથી પક્ષોની મદદથી વિપક્ષી પક્ષ એઆઈએડીએમકેને બે બેઠકો મળવાની અપેક્ષા છે.
પાર્ટી ચીફ કમલ હાસન
એમએનએમએમે આ પ્રસંગે એક સત્તાવાર નિવેદન જારી કરીને પુષ્ટિ કરી કે પાર્ટી ચીફ કમલ હાસનને રાજ્યસભામાં મોકલવામાં આવશે. વરિષ્ઠ નેતા મુરલી અપ્પાએ કહ્યું કે પાર્ટીની કોર કમિટીએ સર્વાનુમતે આ પ્રસ્તાવ પસાર કર્યો છે.
આ પણ વાંચો, Jagannath Rath Yatra: જગન્નાથની રથયાત્રાના હવે ગણતરીના જ દિવસો બાકી, અમદાવાદમાં તડામાર તૈયારીઓ શરૂ