અમદાવાદમાં હાથીજણ સર્કલ પાસે આવેલા રાધે રેસિડેન્સીમાં પાલતું શ્વાને 4 મહિનાની બાળકીને ફાડી કાઢી હતી. મળતા અહેવાલ પ્રમાણે બાળકી સાથે યુવતી બહાર બેઠી હતા અને અચાનક શ્વાને હુમલો કરી દીધો હતો. મળતા અહેવાલ પ્રમાણે ગંભીર રીતે ઈજાગ્રસ્ત સ્થિતિમાં બાળકીને સારવાર અર્થે હોસ્પિટલ લઈ જવામાં આવી હતી. જોકે ફરજ પરના ડોક્ટરે બાળકીને મૃત જાહેર કરી હતી. માસુમના અકાળે મોત બાદ પરિવારજનોમાં શોકનો માહોલ છવાયો હતો.
રાધે રેસિડેન્સીમાં રહેતી એક યુવતી સોમવારે રાત્રે પાલતૂ શ્વાન રોટવીલર લઇને નીકળી હતી. આ દરમિયાન તે ફોન પર વાતચીત કરી રહી હતી તે સમયે અચાનક શ્વાન હાથમાંથી છટકી ગયું હતું અને તેણે યુવતી અને ચાર મહિનાની બાળકી પર જીવલેણ હુમલો કરી બચકાં ભર્યા હતા.
આ સમગ્ર ઘટના સીસીટીવી કેમેરામાં કેદ થઈ હતી. જેનો વિડીયો સોશિયલ મીડિયા પર વાયરલ થઇ રહ્યો છે. આ મામલે વિવેકાનંદ પોલીસ મથકે ફરિયાદ નોંધવામાં આવી છે.
આ પણ વાંચો, CBSE ધોરણ 12નું પરિણામ જાહેર, 88.39 ટકા વિદ્યાર્થીઓ પાસ