Mumbai: મુંબઈ એરપોર્ટને બોમ્બથી ઉડાવી દેવાની ધમકી, પોલીસ કન્ટ્રોલ રૂમને 3 ફોન આવતા મચી ભાગદોડ
શુક્રવારે મુંબઈ પોલીસ કંટ્રોલ રૂમને ત્રણ અલગ અલગ નંબરો પરથી ધમકીભર્યા કોલ મળ્યા હતા. ફોન કરનારે દાવો કર્યો હતો કે મુંબઈ આંતરરાષ્ટ્રીય એરપોર્ટ પર બોમ્બ મૂકવામાં આવ્યો છે અને થોડીવારમાં મોટો વિસ્ફોટ થશે. મુંબઈ પોલીસને ફોન મળતાં જ તાત્કાલિક સતર્ક થઈ ગઈ હતી. પોલીસ અધિકારીઓ સાથે બોમ્બ સ્ક્વોડની ટીમ એરપોર્ટ પર પહોંચી ગઈ. કલાકોની સઘન શોધખોળ કામગીરી પછી પણ કંઈ શંકાસ્પદ મળ્યું નહીં.
પોલીસ અધિકારીઓ પાસેથી મળેલી માહિતી અનુસાર, અજાણ્યા ફોન કરનારે મુંબઈ એરપોર્ટના ટર્મિનલ 2 પર બોમ્બ વિસ્ફોટની ધમકી આપી હતી. માહિતી મળતાં જ, મુંબઈ પોલીસ અને બોમ્બ સ્ક્વોડના ઉચ્ચ અધિકારીઓ ઘટનાસ્થળે પહોંચી ગયા. એરપોર્ટના એકએક ખૂણાની તપાસ કરવામાં આવી, પરંતુ પોલીસને એવું કંઈ મળ્યું નહીં જેનાથી બોમ્બ હોવાની પુષ્ટિ થઈ શકે.
આ પણ વાંચો, http://‘સત્તાનો નશો માથે ચડી જાય તો… ‘, CJI બી.આર. ગવઈએ જજ અને વકીલોનો આપી આ સલાહ