માઇક્રોસોફ્ટ સિસ્ટમમાં ખામી, દિલ્હીમાં 3 ફ્લાઇટ્સ રદ:2 ફ્લાઇટ લેટ; 15 કલાકથી ઈમેલ, મીટિંગ સર્વિસ બંધ
માઇક્રોસોફ્ટમાં આવેલી ટેકનીકલી ખામીની અસર હવે ભારતની વિમાન સેવાઓ પર પણ દેખાવા લાગી છે. શુક્રવારે સવારે સ્પાઇસજેટે આ ખામીને કારણે દિલ્હીથી ઉડાન ભરનારી ત્રણ ફ્લાઇટ્સ (દિલ્હી-પુણે, દિલ્હી-લેહ અને દિલ્હી-મુંબઈ) રદ કરી દીધી, જ્યારે દિલ્હીથી દરભંગા અને મુંબઈ જતી બે ફ્લાઇટ્સ મોડી પડી.
દિલ્હી એરપોર્ટે પણ મુસાફરો માટે એડવાઇઝરી જારી કરી છે. તેમાં એરપોર્ટ માટે નીકળતા પહેલાં ફ્લાઇટનું સ્ટેટસ ચેક કરવા જણાવાયું છે. ઇન્ડિગો અને અકાસા એરે પણ મુસાફરો માટે એડવાઇઝરી જારી કરી છે.
માઇક્રોસોફ્ટમાં આવેલી ટેકનીકલી ખામીની અસર હવે ભારતની વિમાન સેવાઓ પર પણ દેખાવા લાગી છે. શુક્રવારે સવારે સ્પાઇસજેટે આ ખામીને કારણે દિલ્હીથી ઉડાન ભરનારી ત્રણ ફ્લાઇટ્સ (દિલ્હી-પુણે, દિલ્હી-લેહ અને દિલ્હી-મુંબઈ) રદ કરી દીધી, જ્યારે દિલ્હીથી દરભંગા અને મુંબઈ જતી બે ફ્લાઇટ્સ મોડી પડી.
દુનિયાભરમાં માઇક્રોસોફ્ટની જરૂરી ઓનલાઈન સેવાઓ લગભગ 15 કલાકથી ઠપ છે. ઈમેલ મોકલવા, ઓનલાઈન મીટિંગ કરવા અને ક્લાઉડ પર ફાઇલો સેવ કરવા જેવા કામો અટકી ગયા છે. ખામીની અસર માત્ર ઓફિસ સુધી જ સીમિત રહી નથી, પરંતુ સ્કૂલો, હોસ્પિટલો અને ઘણા દેશોમાં સરકારી કામકાજ પણ ઠપ થઈ ગયું છે.
વેબસાઇટ ડાઉનડિટેક્ટર મુજબ, દુનિયાભરમાંથી માત્ર માઇક્રોસોફ્ટ આઉટલુક ચાલુ ન થવા અંગે 1.40 લાખથી વધુ ફરિયાદો મળી છે. માઇક્રોસોફ્ટ તરફથી કહેવામાં આવ્યું છે કે સિસ્ટમમાં ખામી સોફ્ટવેર ખોટી રીતે અપડેટ થવાને કારણે આવી છે, પરંતુ હજી સુધી તેને ઠીક કરી શકાયું નથી.
માઇક્રોસોફ્ટમાં આવેલી ખામીને કારણે કઈ સેવાઓને અસર થઈ છે?
જવાબ: માઇક્રોસોફ્ટની ઘણી ઑનલાઇન સેવાઓ સમગ્ર વિશ્વમાં એકસાથે બંધ થઈ ગઈ. કંપનીના જણાવ્યા અનુસાર, રોજિંદા કામકાજ સાથે જોડાયેલી ઘણી સેવાઓને અસર થઈ છે. તેમાં સામેલ છે:
- માઇક્રોસોફ્ટ આઉટલુક (ઈમેલ માટે)
- માઇક્રોસોફ્ટ ટીમ્સ (ઑનલાઇન મીટિંગ અને ચેટ માટે)
- શેરપૉઇન્ટ ઑનલાઇન (ફાઇલ શેર કરવા માટે)
- માઇક્રોસોફ્ટ કોપાઇલટ 365 (AI ટૂલ)
- માઇક્રોસોફ્ટ પ્લાનર અને એક્સચેન્જ ઑનલાઇન
- માઇક્રોસોફ્ટ ડિફેન્ડર (સાયબર સુરક્ષા સાથે જોડાયેલી સેવા)
ભારતમાં ફ્લાઇટ રદ: સ્પાઇસજેટની દિલ્હી-પુણે, દિલ્હી-લેહ અને દિલ્હી-મુંબઈ ફ્લાઇટ્સ આ ખામીને કારણે રદ કરવી પડી.
એર ઇન્ડિયાએ કહ્યું- ફ્લાઇટ્સ પર અસર નહીં
એર ઇન્ડિયાએ જણાવ્યું કે કંપની માઇક્રોસોફ્ટની સર્વિસમાં આવેલી સમસ્યા પર નજર રાખી રહી છે. હાલ તેની ફ્લાઇટ કામગીરી પર કોઈ અસર પડી નથી. કંપનીની કમ્યુનિકેશન ચેનલો પણ સામાન્ય રીતે કામ કરી રહી છે.
એર ઇન્ડિયાએ કહ્યું કે મુસાફરોના ઈમેઇલ સતત મળતા રહે, તે માટે ઈમેઇલ ટ્રાફિકને થોડા સમય માટે બીજા માર્ગે મોકલવામાં આવી રહ્યો છે. કંપની પોતાના નિર્ધારિત 24 કલાકના સમયગાળામાં ઈમેઇલનો જવાબ આપી રહી છે.
આ ઉપરાંત સમગ્ર વિશ્વમાં અલગ-અલગ રીતે કામકાજને અસર થઈ છે..
- હોસ્પિટલ અને મદદ: ઘણા ડૉક્ટરો દર્દીઓને ઑનલાઇન સલાહ આપી શક્યા નહીં.
- શાળા અને નોકરી: ઘણી શાળાઓમાં બાળકોના ઑનલાઇન વર્ગો યોજાઈ શક્યા નહીં.
- કારોબાર-ઓફિસ: ઘણી કંપનીઓમાં માલના ઑર્ડર પ્રક્રિયા થઈ શક્યા નહીં.