અમૂલ બાદ વધુ એક ડેરીએ આપ્યો ઝટકો, દૂધના ભાવમાં કર્યો 4 રૂપિયાનો વધારો, જાણો

મધર ડેરીએ દૂધના ભાવમાં વધારો કર્યો છે. મધર ડેરીના દૂધના ભાવમાં પ્રતિ લિટર બે થી ચાર રૂપિયાનો વધારો કરાયો છે. સમાચાર એજન્સી પીટીઆઈ અનુસાર, આ વધારો ગુરુવારથી અમલમાં આવશે. એ નોંધવું જોઈએ કે દિલ્હી-એનસીઆરમાં સૌથી મોટી દૂધ સપ્લાયર મધર ડેરીએ અગાઉ 14 મે, 2026ના રોજ ભાવમાં વધારો કર્યો હતો. તે પહેલાં, એપ્રિલ 2025માં ભાવમાં સુધારો કરવામાં આવ્યો હતો.

મધર ડેરીએ વિવિધ પ્રકારના છૂટક દૂધના ગ્રાહક ભાવમાં પ્રતિ લિટર બે થી ચાર રૂપિયાનો વધારો કર્યો છે. મધર ડેરીના પ્રવક્તાએ ટિપ્પણી કરવાનો ઇનકાર કર્યો હતો. સૂત્રોએ જણાવ્યું હતું કે ખેડૂતો પાસેથી દૂધની ખરીદી કિંમતમાં વધારો થયો છે, જેના કારણે કંપનીને વધેલા ખર્ચનો કેટલો હિસ્સો ગ્રાહકોને આપવાની ફરજ પડી છે. મધર ડેરી તેના દૂધ વેચાણના 75-80 ટકા આવક ખેડૂતોને વહેંચે છે.

રાષ્ટ્રીય રાજધાની ક્ષેત્ર (એનસીઆર)માં ટોન્ડ દૂધ (જથ્થાબંધ વિતરણ)ની કિંમત 58 રૂપિયાથી વધારીને 60 રૂપિયા પ્રતિ લિટર કરવામાં આવી છે. ફુલ ક્રીમ મિલ્ક (પાઉચ)ની કિંમત હવે 72 રૂપિયાથી વધીને 76 રૂપિયા પ્રતિ લિટર થશે. ટોન્ડ મિલ્ક (પાઉચ)ની કિંમત 60 રૂપિયથી વધારીને 62 રૂપિયા પ્રતિ લિટર કરવામાં આવી છે. ડબલ ટોન્ડ મિલ્કની કિંમત 54 રૂપિયાથી વધારીને 56 રૂપિયા પ્રતિ લિટર કરવામાં આવી છે. ગાયના દૂધની કિંમત 62 રૂપિયાથી વધારીને 65 રૂપિયા પ્રતિ લિટર કરવામાં આવી છે.