રાહુલ ગાંધીના ધરણા પછી દિલ્હી પોલીસ ઝૂકી:અજાણ્યા વ્યક્તિ વિરુદ્ધ કેસ દાખલ

દિલ્હી પોલીસ પેલેટ ગન કેસમાં FIR નોંધવા માટે સંમત થઈ ગઈ છે. રાહુલ ગાંધી છેલ્લા પાંચ કલાકથી સંસદ માર્ગ પોલીસ સ્ટેશનમાં FIR નોંધવાની માંગણી પર અડગ હતા. દિલ્હી પોલીસે રાહુલ ગાંધીની માંગણી સ્વીકારી છે અને અજાણ્યા લોકો સામે FIR નોંધી રહી છે.

કોંગ્રેસના સાંસદ કિશોરી લાલ શર્માએ કહ્યું, “FIR નોંધવી એ કોઈપણ નાગરિકનો લોકશાહી અધિકાર છે. તેઓ ઘણા દિવસોથી એક જગ્યાએથી બીજી જગ્યાએ દોડી રહ્યા છે અને તેમની FIR નોંધાઈ રહી નથી, તેથી જ રાહુલ ગાંધી અહીં તેમની  IR નોંધવા માટે રાહુલ ગાંધી આગળ આવ્યા છે. તમારે જોવું જોઈએ કે જ્યારે એક સામાન્ય નાગરિકના અધિકારો માટે FIR નોંધવા માટે વિપક્ષી નેતાને દખલ કરવી પડે છે ત્યારે લોકશાહી કેટલી હદે નબળી પડી રહી છે.”

પવન ખેડાએ જણાવ્યું હતું કે, આ દેશમાં રાજકારણ ભાજપના બનાવટી મુદ્દાઓથી ચાલશે નહીં. ચર્ચાઓ ખુલ્લેઆમ અને હિંમતભેર કરવામાં આવશે, જેમાં વાસ્તવિક મુદ્દાઓ પર ધ્યાન કેન્દ્રિત કરવામાં આવશે – શેરીઓથી સંસદ સુધી. સાહિલ લોચાવ પર કોણે પેલેટ ગન ચલાવી? ગોળીબાર કરવાનો આદેશ કોણે આપ્યો? ક્યારે અને કેવી રીતે કાર્યવાહી કરવામાં આવશે? સાહિલને ક્યારે ન્યાય મળશે? આ સરકારને પરિસ્થિતિની ગંભીરતા ક્યારે સમજાશે? એક બાળક તેની દૃષ્ટિ ગુમાવી શકે છે. સરકારે જવાબ આપવો જ જોઇએ.