અમદાવાદના નિકોલ, ઓઢવ-કાંકરિયા સહિતના વિસ્તારોમાં ઝાપટાં, વાતાવરણમાં પ્રસરી ઠંડક

જરાતમાં લાંબા સમયના વિરામ બાદ આજે વહેલી સવારે અમદાવાદ શહેરના નિકોલ, ઓઢવ, કાંકરિયા જેવા પૂર્વ વિસ્તારો અને કચ્છના માંડવી પંથકમાં ધીમીધારે વરસાદ પડ્યો હતો, જેથી વાતાવરણમાં ઠંડક પ્રસરી હતી.

રાજ્યના વિવિધ વિસ્તારોમાં લાંબા સમયથી વરસાદે ખેંચ અપાતા લોકો અને ખેડૂતો ચિંતાતુર બન્યા હતા. જોકે, આજે સવારે અમદાવાદના પૂર્વ ભાગો જેવા કે નિકોલ, ઓઢવ અને કાંકરિયા આસપાસના વિસ્તારોમાં ધીમીધારે વરસાદનું આગમન થતાં લોકોને ગરમીથી રાહત મળી હતી. આ સાથે કચ્છ જિલ્લાના માંડવી શહેર સહિત આસપાસના ગ્રામ્ય વિસ્તારો, જેવા કે આઝાદ ચોક અને બસ સ્ટેશન રોડ પર પણ વહેલી સવારથી જ વાતાવરણમાં પલટો આવ્યો હતો અને વરસાદી ઝાપટાં પડ્યા હતા. એક તરફ અમદાવાદ અને કચ્છના અમુક વિસ્તારોમાં મેઘરાજાએ હાજરી નોંધાવી છે, તો બીજી તરફ સૌરાષ્ટ્રના વિસ્તારોમાં હજુ પણ વરસાદની મોટી ઘટ જોવા મળી રહી છે. વરસાદના અભાવે ખેડૂતોનો ઊભો પાક સુકાઈ રહ્યો છે અને કૃષિ ક્ષેત્રે મોટું સંકટ ઉભું થવાની ભીતિ સેવાઈ રહી છે.