હવામાન વિભાગની મોટી ચેતવણી, આગામી ચાર દિવસ મેઘો તાંડવ કરશે, અમદાવાદ સહિત આ જિલ્લાઓમાં રેડ એલર્ટ

હવામાન વિભાગના જણાવ્યા અનુસાર હાલ ડીપ ડિપ્રેશન, મોન્સૂન ટ્રફ, શીયર ઝોન, વેસ્ટર્ન ડિસ્ટર્બન્સ અને ઓફશોર ટ્રફ જેવી પાંચ મહત્વની હવામાન સિસ્ટમ સક્રિય છે. આ તમામ સિસ્ટમના સંયુક્ત પ્રભાવને કારણે રાજ્યમાં આગામી ચાર દિવસ સુધી વરસાદનું જોર યથાવત રહેવાની શક્યતા છે. કેટલીક જગ્યાએ અતિભારે અને અસામાન્ય ભારે વરસાદ પણ પડી શકે છે.

અમદાવાદ શહેર માટે હવામાન વિભાગે રેડ એલર્ટ જાહેર કર્યું છે. આવતીકાલે શહેરમાં અત્યંત ભારે વરસાદ પડી શકે છે અને કેટલાક વિસ્તારોમાં 8 ઇંચ સુધી વરસાદ નોંધાઈ શકે તેવી સંભાવના છે. નીચાણવાળા વિસ્તારોમાં પાણી ભરાવા, ટ્રાફિક જામ અને જનજીવન પ્રભાવિત થવાની શક્યતા હોવાથી ખાસ સાવચેતી રાખવાની સલાહ આપવામાં આવી છે.

નર્મદા જિલ્લામાં આવતીકાલે અસામાન્ય ભારે વરસાદની આગાહી કરવામાં આવી છે. કેટલાક વિસ્તારોમાં 12 ઇંચ સુધી વરસાદ પડી શકે તેવી શક્યતા વ્યક્ત કરવામાં આવી છે. ભારે વરસાદને કારણે નદી-નાળા અને ડેમોમાં પાણીની આવક વધી શકે છે. તેથી સ્થાનિક વહીવટી તંત્રને પણ એલર્ટ મોડ પર રહેવા સૂચના આપવામાં આવી છે.

હવામાન વિભાગે અમદાવાદ, બોટાદ, જામનગર, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ તેમજ દાદરા અને નગર હવેલીમાં રેડ એલર્ટ જાહેર કર્યું છે. આ વિસ્તારોમાં ભારેથી અત્યંત ભારે વરસાદની સાથે વીજળીના કડાકા અને તેજ પવન પણ ફૂંકાઈ શકે છે.

હવામાન વિભાગે અમદાવાદ, બોટાદ, જામનગર, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ તેમજ દાદરા અને નગર હવેલીમાં રેડ એલર્ટ જાહેર કર્યું છે. આ વિસ્તારોમાં ભારેથી અત્યંત ભારે વરસાદની સાથે વીજળીના કડાકા અને તેજ પવન પણ ફૂંકાઈ શકે છે.