વિયેતનામમાં ભારતીય પ્રવાસીઓને લઈ જતી સ્પીડ બોટ પલટી, 15ના મોત, અનેક ગુમ

હનોઈ સ્થિત ભારતીય દૂતાવાસે અહેવાલ આપ્યો છે કે શનિવારે વિયેતનામના ફુ ક્વોક ટાપુ નજીક ઘણા ભારતીય પ્રવાસીઓને લઈ જતી એક હોડી પલટી ગઈ હતી. રાહત અને બચાવની કામગીરી ચાલુ છે, એક કન્ટ્રોલ રૂમ સ્થાપવામાં આવ્યો છે. દૂતાવાસે જણાવ્યું હતું કે સ્થાનિક અધિકારીઓ ઘટનાની સંપૂર્ણ વિગતો મેળવી રહ્યા છે. અહેવાલો મુજબ 32 લોકોને લઈ જઈ રહેલી સ્પીડ બોટ પલટી ગઈ હતી, જેમાથી 23ને દરિયાકાંઠે લાવવામાં આવ્યા છે, 15 લોકો મૃત્યુ પામ્યા છે, હજી અનેક લાપતા છે.

“એક દુ:ખદ ઘટનામાં, વિયેતનામના ફુ ક્વોક ટાપુ નજીક ઘણા ભારતીય પ્રવાસીઓને લઈ જતી એક હોડી પલટી ગઈ છે,” દૂતાવાસે X પરની એક પોસ્ટમાં જણાવ્યું હતું. તેમાં ઉમેર્યું હતું કે માહિતી અને સહાય માટે હો ચી મિન્હ સિટીમાં ભારતના કોન્સ્યુલેટ જનરલ અને હનોઈમાં દૂતાવાસમાં કંટ્રોલ રૂમ સ્થાપિત કરવામાં આવ્યા છે.

પ્રથમ કંટ્રોલ રૂમનો સંપર્ક આ નંબર પર કરી શકાય છે: +84 36 281 7930, +84 91 552 37 14 અને +84 33 452 0414. હનોઈમાં બીજા કંટ્રોલ રૂમનો સંપર્ક આ નંબર પર કરી શકાય છે: +84 91 308 9165.

સત્તાવાર સૂત્રો પાસેથી મળેલી માહિતી મુજબ, થોડા કલાકો પહેલાં વિયેતનામના ફૂ ક્વોક ટાપુ નજીક પલટી ગયેલી બોટમાં નીચે જણાવ્યા મુજબના 32 ભારતીય પ્રવાસીઓ સવાર હતા.