IPL 2026 ફાઇનલ બાદ મોટી દૂર્ઘટના, ખેલાડીઓને લઈ જતી ગુજરાત ટાઇટન્સની બસમાં લાગી આગ

 IPL 2026 ની ફાઇનલ બાદ ગુજરાત ટાઇટન્સની ટીમ બસમાં આગ લાગી ગઈ હતી. આ અકસ્માત ત્યારે થયો જ્યારે ટીમ નરેન્દ્ર મોદી સ્ટેડિયમથી હોટેલ જઈ રહી હતી. જ્યારે આગ લાગી ત્યારે તમામ ખેલાડીઓ બસની અંદર જ હાજર હતા. એવું જણાવવામાં આવી રહ્યું છે કે આગ શોર્ટ સર્કિટના કારણે લાગી હતી. સમયસર આ વાતની ખબર પડી જતાં તરત જ તમામ ખેલાડીઓને સુરક્ષિત રીતે બસમાંથી નીચે ઉતારી લેવામાં આવ્યા હતા. રવિવારે અમદાવાદમાં રમાયેલી ફાઇનલ મેચમાં રોયલ ચેલેન્જર્સ બેંગલુરુએ ગુજરાતને 5 વિકેટે હરાવીને પોતાની બીજી ટ્રોફી જીતી લીધી છે.

IPL ફાઇનલ પછી ગુજરાત ટાઇટન્સના ખેલાડીઓ નરેન્દ્ર મોદી સ્ટેડિયમથી ટીમ બસમાં હોટેલ તરફ જઈ રહ્યા હતા, ત્યારે રસ્તામાં તેમની બસમાં શોર્ટ સર્કિટ થયું અને આગ લાગી ગઈ. રિપોર્ટ અનુસાર, આ વાતની જાણ થતાં જ સૌથી પહેલા ખેલાડીઓને સુરક્ષિત બહાર કાઢવામાં આવ્યા હતા. સારા સમાચાર એ રહ્યા કે કોઈ પણ ખેલાડીને કોઈ પણ પ્રકારનું નુકસાન થયું નથી. પરંતુ ટીમ માટે આ રાત ઘણી ખરાબ સાબિત થઈ, કારણ કે ખેલાડીઓ આશરે 1 કલાક સુધી ત્યાં ફસાયેલા રહ્યા હતા અને ત્યારબાદ બીજી ગાડીની વ્યવસ્થા કરીને તેમને હોટેલ પહોંચાડવામાં આવ્યા હતા.