ચૂંટણી પરિણામ 2026 : 1000થી વધુ સીટની ગણતરી પૂર્ણ, 900 સીટ પર કમળ ખીલ્યું, 80થી વધુ સીટમાં કોંગ્રેસ આગળ

 1000થી વધુ સીટની ગણતરી પૂર્ણ, 984 સીટ પર કમળ ખીલ્યું, 83માં કોંગ્રેસ આગળ

દાહોદ જિલ્લાની આંબલી તાલુકા પંચાયત સીટ

સરદકુમાર અમરસિંહ પલાસ ભાજપ માથી વિજેતા, અગારા તાલુકા પંચાયત બેઠક પર ચેતનાબેન જયસ્વાલ વિજેતા BJP

અંબાજી તાલુકા પંચાયત સીટ નં-1 ઉપર કોંગ્રેસનો વિજય

રવિ સોલંકી કોંગ્રેસ ના ઉમેદવારની જીત, 252 વોટ થી વિજય

બોટાદમાં મતગણતરીનું પ્રથમ પરિણામ જાહેર

બરવાળા તાલુકા પંચાયતની ખાંભડા -1બેઠક પર ભાજપ ઉમેદવારનો વિજય, વર્ષાબેન પ્રવીણભાઈ મેરનામના ઉમેદવારનો થયો વિજય

સાયલા તાલુકા પંચાયતની ચુંટણીનું પરિણામ જાહેર

ચોરવીરા તાલુકા પંચાયત બેઠક પર ભાજપના ગવરીબેન કાંજિયાનો 141 મતે વિજય

ગાંધીનગર મોટી ભોંયણ જિલ્લા પંચાયતની બેઠક

કોંગ્રેસના ઉમેદવારની જીત, કેશીબેન ઠાકોર નો વિજય

પાટણ : સિધ્ધપુર નગરપાલિકા વોર્ડ એકની ગણતરી પૂર્ણ

સિધ્ધપુર નગર પાલિકા વોર્ડ એક ની ગણતરી પૂર્ણ, સિદ્ધપુર પાલિકાના વોર્ડ એકમાં ભાજપનો ભગવો લહેરાયો, વોર્ડ નંબર 1 ભાજપની પેનલનો ભવ્ય વિજય

મહેસાણા મહાનગરપાલિકા ચૂંટણી પરિણામ

વોર્ડ નંબર 6 માં ભાજપના તમામ ઉમેદવાર આગળ, 1000 મત કરતા વધુની લીડ

પોરબંદર : કુતિયાણાના નગર પાલિકા વોર્ડ નબર 6 ની પેટા ચૂંટણી

સમાજવાદી પાર્ટીમાંથી રાભીબેન રૈગા વિજય, 60 મતે વિજેતા બન્યા રાભીબેન રૈગા, કાંધલ જાડેજા પેનલ વિજય

કચ્છ : ભુજ નગરપાલિકામાં ભાજપમાં ખાતું ખુલ્યું

ભુજના 7 વોર્ડમાં ભાજપની પેનલની જીત, ભાજપ કાર્યકરો ભારે ઉત્સાહનો માહોલ, હવે વોર્ડ 8માં માટે મતગણતરી શરૂ

જામનગર જિલ્લા પંચાયતમા આમ આદમી પાર્ટીનું ખાતું ખુલ્યું

ભણગોર બેઠક પર પરબત ધના ગાગીયાની 450 મતથી જીત

અમરેલીની નવી હડીયાલ તાલુકા પંચાયતમાં AAPની જીત

327 વોટથી નવી હડીયાલ તાલુકા પંચાયતમાં AAPની જીત

ધંધુકા તાલુકા પંચાયત અડવાળ બેઠક પર ભાજપની જીત

અડવાળમાં ભાજપે આશરે 450 મતની લીડથી જીત નોંધાવી, અમદાવાદ જિલ્લા પંચાયતની ગાંગડ બેઠક પર પણ ભાજપ વિજેતા, સ્થાનિક સ્તરે ભાજપનું પ્રદર્શન મજબૂત, વિરોધ પક્ષને ઝટકો

વાવ થરાદ : રાહ તાલુકા પંચાયત ડેડુવા કોંગ્રેસની જીત

ઠાકોર અમથુંબેન મેરુજીની 233 વોટથી જીત

મહેસાણા : આંબલીયાસણ જિલ્લા પંચાયત સીટ ભાજપ ઉમેદવાર જીત

ભાજપ ઉમેદવાર ભરતભાઈ હીરાભાઈ નાડીયા લીડ 942 થી જીત

બોટાદમાં મતગણતરીનું પ્રથમ પરિણામ જાહેર

બરવાળા તાલુકા પંચાયતની ખાંભડા -1 બેઠક પર ભાજપ ઉમેદવારનો વિજય, વર્ષાબેન પ્રવીણભાઈ મેરનામના ઉમેદવારનો થયો વિજય

અડાલજ બેઠકમાં ભાજપનો 5600 મતથી વિજય

ગાંધીનગર જિલ્લા પંચાયતની અડાલજ બેઠકમાં ભાજપનો 5600 મતથી વિજય

સિદ્ધપુર પાલિકાના વોર્ડ 1માં ભાજપનો ભગવો લહેરાયો

પાટણ જિલ્લાની સિદ્ધપુર નગર પાલિકાના વોર્ડ 1માં ભાજપનો ભગવો લહેરાયો

ગાંધીનગર મોટી ભોંયણ સીટ પર કોંગ્રેસની જીત

ગાંધીનગર જિલ્લા પંચાયતની મોટી ભોંયણ બેઠક પર કોંગ્રેસના ઉમેદવાર મંજુલાબેન 1374 જેટલા વોટ સાથે વિજેતા

સાવલી નગર પાલિકામાં વોર્ડ 4માં ભાજપના ઉમેદવારોનો વિજય

આ તરફ સાવલી નગરપાલિકા ચૂંટણી પરિણામ જાહેર થયું છે. વોર્ડ નંબર ચારમાં ભાજપના ઉમેદવારનો વિજય થયો છે.

સુરત-વાપીમાં ભાજપની જીત !

આ તરફ વાપી મનપાની પાંચ બેઠકો પર ભાજપનો વિજય થયો છે. કોંગ્રેસનું હજી ખાતું નથી ખૂલ્યું તો સુરતમાં અરેઠ તાલુકા પંચાયતમાં ભાજપના ઉમેદવાર રાકેશ ચૌધરીની જીત થઈ છે.

બોટાદ તાલુકા પંચાયતની ચોકડી બેઠક પર ભાજપનો વિજય

સ્થાનિક સ્વરાજની ચૂંટણીમાં બોટાદ તાલુકા પંચાયતની ચોકડી બેઠક પર ભાજપના ચિરાગ ભાઈ ગળિયલનો વિજય થયો છે.

અમદાવાદ ગુજરાત કોલેજ ખાતે વિવાદ

ગુજરાત કોલેજ ખાતે મતદાન પહેલા જ વિવાદ વકર્યો છે. ભાજપના જોધપુર વોર્ડ કાર્યકર્તાનો વિવાદ સામે આવ્યો છે. મંજૂરી હોય તેવી પણ વસ્તુ નહીં લાવવા દેવાનો આરોપ લગાવાયો છે. ભાજપના કાર્યકર્તાઓએ પોલીસ પર ગંભીર આરોપ નાંખ્યો છે. કોંગ્રેસ અને આપ કાર્યકર્તા ખેસ પહેરીને આવે છે તો તેને કોઈ રોકતું નથી.પોલીસ દ્વારા ભાજપના ઉમેદવાર હારી જશે એવી વાતો કરી અસભ્ય વર્તન કર્યાનો આરોપ લગાવાયો છે.

અમદાવાદ મનપામાં ભાજપની પેનલ આગળ

પોસ્ટર બેલેટની મતગણતરીમાં અમદાવાદ મનપામાં થલતેજ, એલિસબ્રિજ, મણીનગરમાં ભાજપની પેનલ આગળ છે.

દાંતા મતગણતરી કેન્દ્ર પર કોંગ્રેસનો હોબાળો

વિગતો મુજબ દાંતા મતગણતરી કેન્દ્ર પર કોંગ્રેસે હોબાળો કર્યો છે. મતગણતરી શરૂ થાય તે પહેલા જ હોબાળો મચી જવા પામ્યો છે. કોંગ્રેસના ઉમેદવારો અને કાર્યકરોનો હોબાળો સામે આવ્યો છે. કાર્યકરો અને પોલીસ જવાનો વચ્ચે ઉગ્ર બોલાચાલી થઈ છે. ઉગ્ર બોલાચાલી બાદ ઘર્ષણના દ્રશ્યો સર્જાયા છે. હોબાળાને કારણે ભારે અફરાતફરીનો માહોલ સર્જાયો છે.

વાવ થરાદ જિલ્લાની સ્થાનિક સ્વરાજ્યની ચૂંટણી

થરાદ નગરપાલિકા ની 28 બેઠકો અને સાત વોર્ડ માટેની ચૂંટણીની મતગણતરી શરૂ પ્રથમ સરકારી બેલેટ મતદાનની ગણતરી શરૂ, થરાદ પ્રાંત કચેરી ખાતે મત ગણતરીની શરૂઆત

જૂનાગઢ જિલ્લામાં આજે 10 કેન્દ્રો પર ગણતરી શરૂ થશે

જિલ્લા પંચાયતની 30 બેઠકો અને 9 તાલુકા પંચાયતની 158 બેઠકોના પરિણામ જાહેર થશે, કેશોદ નગરપાલિકાની 35 બેઠકો માટે પણ મતગણતરી હાથ ધરાશે, જિલ્લા અને તાલુકા પંચાયત માટે કુલ 885 જેટલો સ્ટાફ ફરજ પર મુકાયો, કેશોદ નગરપાલિકા માટે 22 કર્મચારીઓ મતગણતરીમાં જોડાયા, મતગણતરી કેન્દ્રો પર પોલીસનો કડક બંદોબસ્ત, સુરક્ષાને પ્રાથમિકતા, પરિણામોને લઈને રાજકીય વર્તુળોમાં ભારે ઉત્સુકતા, દિવસ દરમિયાન ધીમે ધીમે પરિણામોની જાહેરાત શરૂ થશે

સુરત મહાનગરપાલિકાના ચુંટણીની આજે મતગણતરી

મજુરા વિસ્તારમાં આવેલી ગાંધી એન્જિનિયરિંગ ગવર્મેન્ટ કોલેજમાં મતગણતરી, સુરત મનપાની 120 બેઠકો માટે 487 ઉમેદવારોના ભાવિ ખુલશે, જુદા જુદા 30 વૉર્ડ માટે 5 થી 10 રાઉન્ડ મત ગણતરીના થશે, મત ગણતરી માટે અંદાજે 2000 સ્ટાફ પ્રક્રિયામાં જોડાયો , ચુસ્ત પોલીસ બંદોબસ્ત વચ્ચે મત ગણતરી શરૂ, ગરમીને લઈ મત ગણતરી સ્થળે કરાઈ ખાસ વ્યવસ્થા, મંડપ, પીવાના પાણી, પંખા, કુલર સહિતની વ્યવસ્થા ઉભી કરાઈ છે, મત ગણતરી માટે સ્થળ પર 550 પોલીસ જવાનોનો બંદોબસ્ત, 15 P I, 30 PSI, 4 ACP , 4DCP ચુસ્ત બંદોબસ્તમાં

સ્થાનિક સ્વરાજ્યની ચૂંટણીને લઇને જિલ્લા કલેક્ટરનું જાહેરનામું

પરવાનગી વગર રેલી સભા સરઘસ કાઢવા પર પ્રતિબંધ ફરમાવાયો, ચૂંટણી બાદ કાયદો અને વ્યવસ્થાની સ્થિતિ ન જોખમાઇ માટે નિર્ણય

અનેક ઉમેદવારો બિનહરીફ

વિગતો મુજબ ગુજરાતની 15 મહાનગરપાલિકાની ચૂંટણીમાં 11 મનપામાં ભાજપના 43 ઉમેદવારો બિનહરીફ થઈ ચૂક્યા છે. આ ઉમેદવારોમાં આણંદમાં 12, પોરંબદરમાં 11, મહેસાણા 5, અમદાવાદ 2, સુરેન્દ્રનગર 3,જામનગર 1, નડિયાદ 3, વડોદરા 2, નવસારી 2, ગાંધીધામ 1 અને વાપી મનપામાં ભાજપનો 1 ઉમેદવાર બિનહરીફ થયો છે.

અમદાવાદમાં બે સ્થળો પર મતગણતરી હાથ ધરાશે

અમદાવાદમાં આજે સવારે 8 કલાકે સ્ટ્રોંગ રૂમ સાથે ઉમેદવારોનું ભાવી ખુલશે.અમદાવાદ મહાનગરપાલિકા માટે ગુજરાત કોલેજ અને LD કોલેજ ખાતે મતગણતરી થશે. ગુજરાત કોલેજમાં 21 વોર્ડ જ્યારે LD કોલેજ ખાતે 27 વોર્ડની મતગણતરી થશે