ધંધુકામાં પોલીસ બંદોબસ્ત વચ્ચે નીકળી મૃતક ધર્મેશ ગમારાની અંતિમ યાત્રા, વિધર્મીએ છરી મારીને કરી હત્યા

ધંધુકામાં ભરવાડ સમાજના યુવકની હત્યાના ઘટનાને પગલે વિસ્તારમાં ભારે તણાવ સર્જાયો હતો. હત્યાથી ઉશ્કેરાયેલા ટોળાએ શહેરના અનેક વિસ્તારોમાં ધમાલ મચાવી દુકાનોમાં આગચંપી કરી હતી, જેના કારણે સ્થાનિક લોકોમાં ભયનો માહોલ ફેલાયો હતો.

અમદાવાદ જિલ્લાના ધંધુકા શહેરમાં યુવક ધર્મેશ ગમારાની હત્યા બાદ તંગદિલી વચ્ચે તેની અંતિમ યાત્રા પોલીસ બંદોબસ્ત સાથે કાઢવામાં આવી હતી. સમગ્ર વિસ્તારમાં કોઈપણ અનિચ્છનીય ઘટના ન બને તે માટે કડક સુરક્ષા વ્યવસ્થા ગોઠવાઈ હતી. મોટી સંખ્યામાં લોકો અંતિમ યાત્રામાં જોડાયા હતા. પરંતુ પરિસ્થિતિ સંવેદનશીલ હોવાથી પોલીસે સતત નજર રાખી હતી. ઘટનાને લઈને સ્થાનિકોમાં હજુ પણ રોષ જોવા મળી રહ્યો છે.

માહિતી મુજબ ધર્મેશ ગમારાની હત્યા એક બિનહિંદુ શખ્સ દ્વારા કરવામાં આવતા સમાજના લોકોમાં ભારે અસંતોષ ફેલાયો હતો. યુવકની હત્યાના પગલે ઉશ્કેરાયેલા ટોળાએ રસ્તા પર ઉતરી અનેક દુકાનોમાં તોડફોડ અને આગચંપી કરી હતી. આ હિંસક ઘટનાએ ધંધુકામાં ભય અને અશાંતિનું વાતાવરણ ઉભું કર્યું હતું. લોકોમાં આ ઘટનાને લઈને ગુસ્સો સ્પષ્ટ જોવા મળ્યો હતો.

ઘટના બાદ ધંધુકા પોલીસે તાત્કાલિક કાર્યવાહી હાથ ધરી હત્યાના કેસમાં બે આરોપીઓની ધરપકડ કરી છે. સાથે જ તોફાન મચાવનારા ટોળા વિરુદ્ધ પણ ફરિયાદ નોંધવામાં આવી છે. પોલીસ દ્વારા સમગ્ર મામલે તપાસ શરૂ કરવામાં આવી છે અને વધુ આરોપીઓની શોધખોળ ચાલી રહી છે. કાયદો અને વ્યવસ્થા જળવાઈ રહે તે માટે તમામ પાસાઓની ગંભીરતાથી તપાસ કરવામાં આવી રહી છે.