વિશ્વ માતૃભાષા દિવસની આજે ઉજવણી, સીએમ રૂપાણી સહિત ભુપેન્દ્રસિંહ ચુડાસ્માએ પાઠવી શુભેચ્છા
મા નો કોઈ વિકલ્પ નથી, મા ના દૂધ નો કોઈ વિકલ્પ નથી એમ માતૃભાષાનો કોઈ વિકલ્પ નથી. રાજ્યના શિક્ષણ મંત્રી શ્રી ભૂપેન્દ્રસિંહ ચુડાસમાએ વિશ્વ માતૃભાષા દિવસ પ્રસંગે સૌ ગુજરાતીઓને શુભકામનાઓ પાઠવતાં આમ કહ્યું હતું. વિધાનસભા ગૃહમાં આજના દિવસની કામગીરીના આરંભે જ એમણે કહ્યું હતું કે, અન્ય કોઈ પણ ભાષા શીખીએ પહેલાં માતૃભાષા તો શીખવી જ જોઈએ. ગુજરાત સરકારે ગત વર્ષે ખાસ બિલ પસાર કરીને પ્રાથમિક કક્ષાએ ગુજરાતી ભાષાનું શિક્ષણ ફરજિયાત કર્યું છે.
વિવિધ સંસ્થાઓ અને સંગઠનો દ્વારા વિશ્વ માતૃભાષા દિવસની ઉજવણીના કાર્યક્રમો થઈ રહ્યા છે એટલે જનજાગૃતિ પણ વધી રહી છે, એમ કહીને શ્રી ચુડાસમાએ વિધાનસભાના સભ્યો અને ગુજરાતી ભાઈ-બહેનોને શુભકામનાઓ પાઠવી હતી. કોંગ્રેસના સભ્ય શ્રી પુંજાભાઈ વંશે પણ સૌને શુભકામનાઓ પાઠવતાં જણાવ્યું હતું કે, ગુજરાતી ભાષા તેના મૂળ સ્વરૂપે કાયમ માટે જળવાઈ રહે એ જરૂરી છે. આપણે સહુ આ માટે સહિયારા પ્રયાસો કરીએ. તમને અમારી લાગણીની કદર નથી. પણ અમને તમારી નફરતોથી પણ લગાવ છે.
મુખ્યમંત્રી વિજય ભાઈ રૂપાણી એ વિધાન ગૃહમાં રાજ્યપાલના પ્રવચન પરના આભાર પ્રસ્તાવમાં લોકહિત કામો માટે સરકારનું મન ખુલ્લું છે તેવો સ્પષ્ટ મત વ્યકત કરતા પક્ષાપક્ષીથી ઉપર ઉઠી વિકાસની રાજનીતિનું આહવાન કર્યું છે. જેમા તેમને જણાવ્યું કે,
ગુજરાત 12 લાખ કરોડથી વધુ રકમના ઇન્ડર્સટ્રીયલ આઉટપુટ સાથે ઔદ્યોગિક વિકાસમાં નમ્બર 1.
39.36 લાખ મેટ્રીક ટન સાથે ગુજરાત મગફળી ઉત્પાદન માં નમ્બર 1
135.69 લાખ મેટ્રીક ટન દૂધ ઉત્પાદન સાથે અને 101.87 લાખ ગાંસડી કપાસ ઉત્પાદન સાથે ગુજરાત નમ્બર 1
1800 કી.મીટર લંબાઈ ની ગેસ ગ્રીડ નિર્માણ કરવામાં ગુજરાત નમ્બર 1
38 એવા ઇન્ડીકેટર છે જેમાં ગુજરાત ટોપ 3 માં અને 63 ઇન્ડીકેટર માં ટોપ 5 માં છે.
પ્રધાનમંત્રી નરેન્દ્ર ભાઈ એ નાત જાત ભાષા કોમ ની રાજનીતિ માંથી બહાર આવી વિકાસ ની પરિભાષા અંકિત કરી છે.
યુપીએ સરકાર ના સમય માં ગુજરાત ને માત્ર63346 કરોડ મળતા હતા આજે 1 લાખ 58 હજાર કરોડ થી પણ વધુની રકમ જનહિત કાર્યો માટે નરેન્દ્ર ભાઈ એ આપી.
વર્ષોથી અટવાયેલા ક્રૂડ ઓઇલ રોયલ્ટી ના પ્રશ્ન નો અંત લાવીને 10036 કરોડ જેટલી માતબર રકમનો ગુજરાત ને ફાયદો કરાવ્યો છે.
95 96 માં બજેટ નું કદ 10873 કરોડ હતું આજે 2 લાખ કરોડ નું છે.રિસોર્સીસ વધ્યા છે તો સાથે વિકાસ યોજના પણ વધી છે.
ગુજરાત ફાસ્ટ ડેવલપિંગ સ્ટેટ છે .જી એસ ડી પી 9 ટકા થી આજે 11 ટકા થયો છે.એમ્પલોયમેન્ટ જનરેશન માં 11.5 ટકા સાથે ગુજરાત અગ્રેસર છે.
અમે સત્તા ને સેવાનું માધ્યમ માનીએ છીએ.
આપકે દિલ મેં કુછ લગતા હૈ ધુઆ ધુઆ સા લગતા હૈ..
આપકી આંખોમે કુછ ચુભતા હૈ.. શાયદ કૂર્સી કા આપકા સપના સુલગતા હૈ..
વિપક્ષ ને સત્તામાં આવવા ના સપના છે પણ સાડા છ કરોડ ગુજરાતીઓ એ સાકાર કરવા દેતા નથી કેમકે વિકાસ સુશાશન કેવું હોય એ અમેં બતાવ્યું છે.બે દાયકા પહેલા ગુજરાત ની માથાદીઠ આવક13365 હતી આજે 1 લાખ 74 હજાર 652 એટલે કે 13 ગણો વધારો થયો છે.
અર્થતંત્ર માં પ્રાયમરી સેક્ટર નું યોગદાન 1995 96 માં 16513 કરોડ હતું તે બે દાયકા ના અમારા સાશન માં 2 લાખ 37 હજાર 771 કરોડ એટલે કે 14 ગણો વધારો થયો છે.
સેકન્ડરી સેક્ટરની ભાગીદારી 28388 કરોડ થી વધીને 18 ગણી વધુ 5 લાખ 12 હજાર 449 થઈ છે.
ટર્શરી સેક્ટર નો હિસ્સો 26 995 કરોડ થી 15 ગણો વધી ને 4 લાખ 16 હજાર 932 થયો છે.
અમારી રાજનીતિ વિકાસ ની છે એટલે જ ગુજરાત આજે નમ્બર વન છે..