શિવસેનાના અધિવેશનમાં રવિવારે પાર્ટીનાં પ્રમુખ ઉદ્ધવ ઠાકરેએ કહ્યું કે 15 લાખ રૂપિયા લોકોનાં ખાતામાં આવશે અને રામ મંદિર બનશે આ ફક્ત હવામાં કરાયેલી વાતો જ છે. તેમણે વધુમાં કહ્યું કે, જ્યારે હું અયોધ્યા ગયો તો લોકોએ કહ્યું કે બાલા સાહેબનો છોકરો મંદિર બનાવીને જ જશે, 26 નવેમ્બરે ઉદ્ધવ પત્ની-દિકરા સાથે અયોધ્યા પહોંચ્યા હતા.
ઉદ્ધવે અધિવેશનમાં સવાલ કર્યો કે શું ભાજપ ફક્ત હવામાં જ વાતો કરે છે? તો તેની પર વિશ્વાસ કેવી રીતે કરી શકાય ? ભાજપ રામ મંદિરનું નિર્માણ કેવ રીતે કરી શકશે જ્યાં સુધી તેમની સાથે નીતિશ કુમાર અને પાસવાન જેવા સહયોગીઓ છે. આ લોકો તો મંદિરનો વિરોધ કરે છે. ઉદ્ધવનાં કહ્યાં પ્રમાણે, જ્યારે રામમંદિરનો મુદ્દો સામે આવે છે તો ભાજપ કહે છે કે, કોંગ્રેસ આ મુદ્દે આડી આવે છે. અમને ખબર છે કે ભાજપ ક્યારેય મંદિર નહિ બનાવી શકે.ભગવાન રામની જાતિ વિશે ચર્ચા કેમ થઈ રહી છે? જો બીજા ધર્મની જાતિ વિશે પુછવામાં આવતુ તો આ એક મોટો મુદ્દો બની ગયો હોત. પરંતુ અહી કોઈને કંઈ જ ફરક પડતો નથી, જે ખુબ જ દુઃખદ છે.
શિવસેના પ્રમુખ ઉદ્ધવ ઠાકરેએ નવેમ્બરે રામ જન્મભૂમિ જઈને ભગવાન રામનાં દર્શન કર્યા હતા. તેમણે કહ્યું કે, હુ અહી રામમંદિર બનાવવા માટે આવ્યો છું. સરકાર બને કે ન બને, રામ મંદિર તો બનવુ જ જોઈએ. ચૂંટણીમાં તો બધા રામ રામ કરે છે, પરંતુ ત્યાર બાદ બધા આરામ કરે છે, સરકાર પાસે સત્તા છે તો મંદિર નિર્માણ માટે અધિનિયમ કેમ નથી લાવતી? ભાજપ અધ્યક્ષ અમિતશાહે તાજતેરમાં જ કહ્યું કે જો ચૂંટણી પહેલા ગઠબંધન નહિ થાય તો પાર્ટી પૂર્વ સહયોગીઓ સાથે સંબંધ તોડી દેશે. આ નિવેદન પર ઉદ્ધવ ઠાકરેએ કહ્યું કે, શિવસેનાને પછાડવા વાળુ હજુ સુધી 8લાખ વાર્ષિકથી ઓછી આવક ધરાવતા લોકોને છૂટ કેમ નથી અપાઈકોઈ પેદા થયું નથી.
ઉદ્ધવે કહ્યું- જો તમે સાચ્ચે જ આર્થિક રીતે નબળા વર્ગની મદદ કરવા માંગો છો, તો તમે 8 લાખ રૂપિયાથી ઓછી વાર્ષિક ધરાવતા લોકોને ટેક્સની છૂટ કેમ નથી આપતા? તમે અનામત તો આપી દીધી પરંતુ અનામત લાગુ કરવાની વાસ્તવિક પદ્ધતિ પર વિચાર કર્યો છે ખરા?