વેપાર

રિઝર્વ બેન્ક સરકારને 28000 કરોડ રૂપિયા ઈન્ટરિમ ડિવિડન્ડ આપશે

રિઝર્વ બેન્ક ઓફ ઈન્ડિયાના સેન્ટ્રલ બોર્ડે આજે 28,000 કરોડ રૂપિયાનું ઈન્ટરીમ ડિવિડન્ડ સરકારને ચૂકવવાનો નિર્ણય લીધો છે. રિઝર્વ બેન્કની બેઠકમાં આ નિર્ણય થયો છે. આજે રિઝર્વ બેન્કની બોર્ડ બેઠક હતી. આ બેઠકમાં નાણાં મંત્રી અરુણ જેટલીએ સંબોધિત કરી હતી. તે સતત બીજુ વર્ષ હશે જ્યારે રિઝર્વ બેન્ક સરકારને ડિવિડન્ડ ટ્રાન્ફર કરશે. આ મુદ્દા પર લાંબા સમયથી ચર્ચા થઇ રહી હતી. સરકારને સતત આ બીજા વર્ષે પણ ઈન્ટરીમ ડિવિડન્ડ આપવામાં આવ્યું છે. આમ સરકારનું કુલ સરપ્લસ 68,000 કરોડ રૂપિયા થશે.

ઉલ્લેખનીય છે કે ઈકોનોમિક કેપિટલની ફ્રેમવર્ક બાદ આજે ઈન્ટરીમ સરપ્લસ અંગેનો નિર્ણય કરવામાં આવ્યો હતો. આરબીઆઈ સરકારને અત્યાર સુધીમાં 40,000 કરોડ રૂપિયાના ઈન્ટરીમ ડિવિડન્ડની ચૂકવણી કરી ચૂકી છે.

આરબીઆઈએ એક નિવેદનમાં જણાવ્યું હતું કે લિમિટેડ ઓડિટ રિવ્યું અને એક્સટેન્ટ ઈકોનોમિક કેપિટલ ફ્રેમવર્કને એપ્લાય કર્યા બાદ બોર્ડે 280 બિલિયનના ઈન્ટરિમ સરપ્લસને સરકારને ટ્રાન્સફર કરવાનો નિર્ણય લીધો હતો. આ નિર્ણય ડિસેમ્બર 31,2018ના રોજ પૂરા થયેલા અડધા વર્ષ માટે લેવામાં આવ્યો હતો.

સરકારને ચાલુ વર્ષ દરમિયાન આરબીઆઈનું ઈન્ટરીમ ડિવિડન્ડ મળે તે મહત્વનું છે. ગત વર્ષે આરબીઆઈએ સરકારને 10,000 કરોડ રૂપિયા ઈન્ટરિમ ડિવિડન્ડ તરીકે ચૂકવ્યા હતા.

Show More

Related Articles

Leave a Reply

Your email address will not be published. Required fields are marked *

Back to top button