સુડોળ, પાતળા અને લાંબા હાથ સુંદરતાની નિશાની ગણાય છે. સ્થૂળ અને ચરબીવાળા હાથ સુંદરતાને નષ્ટ કરી નાખે છે. જે રીતે સુડોળ શરીર સુંદરતામાં વધારો કરે છે એ જ રીતે જો તમારા હાથ સુડોળ હોય તો તે પણ તમારી સુંદરતા વધી જાય છે. એટલે જ તમારે તમારા હાથ પર પણ ધ્યાન કેન્દ્રિત કરવું જોઇએ. ત્યારે જાણી લો તમે પણ એવી કેટલીક ટિપ્સ કે જેનાથી તમારા હાથ બીજાબધાના હાથ કરતા દેખાવમાં લાગશે સુંદર
– હાથની સુંદરતામાં સૌથી મહત્વનું સ્થાન કોણીનું છે. આ ભાગ હંમેશાં ધ્યાન પર રહે છે. ત્યાં મેલ જામી જતો હોવાથી કોણીની ત્વચા કડક બની જાય છે. આ ભાગ પર ન્હાતાં પહેલાં સાબુના ફીણ બનાવીને તેમાં સરસિયું ઉમેરી હળવા હાથે લગાવો. થોડી વાર રહેવા દઇ પછી રૂંછાવાળા ટુવાલથી સાફ કરી લો. આ રીતે રોજ કરવું. છ-સાત દિવસમાં કોણી સ્વચ્છ થઇ જશે.
– આ સિવાય લીંબુના એખસરખા ભાગ કરીને કોણી પર 10 મિનિટ ઘસો. આનાથી પણ કોણીની સફાઇ થઇ જશે.
– કોણીને સાફ કર્યા પછી તે ભાગ પર મોઇશ્વરાઇઝર જરૂરથી લગાવો.
– હાથની ત્વચાની શુષ્કતા દૂર કરવા માટે ઓલિવ ઓઇલથી માલિશ કરો.
– હાથની ત્વચા પર ટામેટાંનો રસ, લીંબુનો રસ અને કાચું દૂધ ભેળવીને માલિશ કરો. આનાથી રંગ પણ ઉઘડશે.
– જો હાથ વધારે પ્રમાણમાં પાતળા હોય તો ઓલિવ ઓઇલ અથવા બદામના તેલથી માલિશ કરવી.
– જાડા અને ચરબીવાળા હાથ માટે પણ આ બંને તેલની માલિશ ફાયદાકારક છે. માલિશ કરવાથી ચરબી ઓગળે છે અને લોહીનું પરિભ્રમણ પણ સારી રીતે થાય છે.
– આ સાથે હાથની સુંદરતા માટે બગલની સ્વચ્છતા પણ ખૂબ જરૂરી છે. વેક્સિંગ દ્વારા હાથ, બાજુ અને બગલની સફાઇ કરવી અને જો વધારે પરસેવો થવાની ફરિયાદ રહેતી હોય તો ડીઓડ્રન્ટનો ઉપયોગ કરો.
– ગ્લિસરીન, લીંબુ અને ગુલાબજળ ભેળવીને રાખો. રોજ રાત્રે સૂતાં પહેલાં હાથ પર લગાવી દો. આનાથી ત્વચાનો રંગ ઉઘડશે અને શુષ્કતા પણ દૂર થશે.
– જો તમને સ્લિવલેસ વસ્ત્રો પહેરવાનો શોખ હોય તો હાથની સુંદરતા પર ધ્યાન આપવું ખૂબ જરૂરી છે.