ગુજરાતના પાટનગર ગાંધીનગરમાં કોંગ્રેસના મહાસચિવ પ્રિયંકા ગાંધી પોતાની રાજકીય કારકિર્દીની સૌપ્રથમ ચૂંટણીસભા 28 ફેબ્રુઆરીના રોજ સંબોધિત કરવાના છે. અડાલજના ત્રિમંદિર મેદાન ખાતે યોજાનારી આ ચૂંટણીસભામાં પ્રિયંકાની સાથે કોંગ્રેસ અધ્યક્ષ રાહુલ ગાંધી પણ જોડાશે. કોંગ્રેસના ઉચ્ચસ્તરીય સૂત્રોએ આ વિગત આપતા જણાવ્યું છે કે, ગાંધીનગર ખાતે પ્રિયંકા પોતાની સૌપ્રથમ ચૂંટણી સભા સંબોધીને સીધે સીધો પડકાર વડાપ્રધાન નરેન્દ્ર મોદી અને ભાજપના રાષ્ટ્રીય અધ્યક્ષ અમિત શાહને ફેંકશે.
