અમદાવાદના નિકોલ વિસ્તારના આભૂષણ જ્વેલર્સમાં કરોડોની ચોરીના મામલે પોલીસે માસ્ટરમાઇન્ડ મયુર માળીની ધરપકડ કરી છે. અગાઉ ધરપકડ કરાયેલી મહિલા આરોપી હર્ષિદા શેટ્ટીનો પ્રેમી મયુર જ આ ચોરીનો મુખ્ય સૂત્રધાર હોવાનું સામે આવ્યું છે.બંનેએ સાથે મળીને નવી જિંદગી શરૂ કરવા માટે ૧૧ મેના રોજ ચોરીનો પ્લાન ઘડ્યો હતો.
પરંતુ ચોરી બાદ હોટલમાં હર્ષિદા નહાવા ગઈ ત્યારે મયુરે તેની સાથે દગો કરી સોનું લઈને ફરાર થઈ ગયો હતો. પોલીસે મયુર પાસેથી 16 લાખ અને અગાઉ પોલીસે હર્ષિદા પાસેથી 22 લાખનો મુદ્દામાલ રિકવર કર્યો છે. બાકીના સોનાની શોધખોળ જારી છે.