પ્રખ્યાત સિંગર રાહત ફતેહઅલી ખાન મુશ્કેલીમાં ફસાયા છે. તેમણે એન્ફોર્સમેન્ટ ડિરેક્ટોરેટએ FEMAનાં ઉલ્લઘંન મામલે નોટિસ ફટકારી છે. મિડીયા રિપોર્ટસ પ્રમાણે રાહત પર ભારતમાં વિદેશી ચલણની દાણચોરીનો આરોપ છે. આ અંગે EDએ તેમની પાસે જવાબ માંગ્યો છે.
રાહેત ફતેહઅલી ખાને ગેરકાયદે 3,40,000 યુએસ ડોલરની કમાણી કરી છે. આ રકમમાં તેમણે 2,25,000 ડોલરની સ્મગલિંગ કરી હતી. જો તપાસ એજન્સીઓ રાહતનાં જવાબથી સંતુષ્ટ નહિ થાય તો સિંગર રાહત ફતેહ અલી ખાને સ્મગલિંગ કરેલી રકમ પર 300% દંડ આપવો પડશે. જો તેઓ આ દંડની ભરપાઈ નહિ કરે તો તેમને લુકઆઉટ નોટિસ આપવામાં આવશે. આ ઉપરાંત ભારતમાં તેમના શો પર પણ બેન લાગી શકે છે.
અગાઉ 2011માં સિંગર રાહત ઈન્દિરા ગાંધી ઈન્ટરનેશલ એરપોર્ટ પર સવા લાખ ડોલર સાથે ઝડપાયો હતો. તે સમયે તે આ પૈસા અંગેનો કોઈ દસ્તાવેજી પુરાવો રજુ કરી શક્યો ન હતો. સિંગર સાથે તેમના મેનેજરની પણ પોલીસે ધરપકડ કરી હતી. રાહત ફતેહ અલીખાન બોલીવુડની ઘણી ફિલ્મોમાં ગીત ગાઈ ચુક્યા છે. આ ઉપરાંત દર્શકો તેમના સુફિયાના અંદાજ અને રોમાન્ટિક સોન્ગને ઘણા પસંદ કરે છે. ભારતમાં પાકિસ્તાની કલાકારો પર પ્રતિબંધ હોવા છતા રાહતને બોલીવુડમાં ગીતો ગાવાનો મોકો આપવામાં આવી રહ્યો છે.