અવાર નવાર પાકિસ્તાનની નાપાક હરકત સામે આવતી રહે છે. પાકિસ્તાન મરીન દ્વારા ભારતીય બોટના અપહરણનો સિલસીલો યથાવત છે. પાકિસ્તાન મરીન દ્વારા 3 બોટ સાથે 18 માછીમારોનું અપહરણ કરાયા હોવાની માહિતી મળી છે.
મળતી માહિતી મુજબ અપહરણ કરાયેલી બોટ પોરબંદર અને ઓખાની હોવાની શક્યતા છે. પાકિસ્તાન મરીન દ્વારા 3 ભારતીય બોટ સાથે 18 માછીમારોનું અપહરણ કરાયું છે. ઉલ્લેખનીય છે કે ગત 4 જાન્યુઆરીના રોજ પણ એક બોટ અને 5 માછીમારોનું અપહરણ કરાયું હતું.
તે ઉપરાંત ગત વર્ષ 17 નવેમ્બરના રોજ પણ પાકિસ્તાન દ્વારા 2 બોટ સાથે 12 માછીમારોનું અપહરણ કરાયું હોવાની ઘટના સામે આવતા રોષ ભભૂકી ઉઠ્યો હતો. જેમાં એક પોરબંદર અને એક ઓખાની બોટ હોવાની શક્યતા હતી.
