ઠંડીમાં ઘરે જ બનાવો ગુંદર પાક, સ્વાસ્થ્ય માટે છે ગુણકારી 

100 ગ્રામ ગુંદર

400 ગ્રામ ઘી

250 ગ્રામ અડદની દાળ (8 કલાક પલાળેલી)

100 ગ્રામ બદામની કતરણ

ક100 ગ્રામ કાજૂ 

100 ગ્રામ ખારેક 

100  ગ્રામ છીણેલું કોપરુ

250 ગ્રામ દળેલી ખાંડ

200 ગ્રામ ગોળ

20 ગ્રામ ખસખસ

10 ગ્રામ ઇલાયચી

20 ગ્રામ સૂંઠનો પાવડર

બનાવવાની રીત 

સૌ પ્રથમ અડદની દાળનું પાણી નિતારી તેને પેપર પર સુકવી દો. ગુંદરના નાના-નાના ટુકડા કરીને 2-3 કલાક તેને તડકામાં મુકો. કઢાઇમાં ઘી ગરમ કરો અને તેમા ગુંદર નાખીને તળો. જ્યારે તે ફુલીને ડબલ થઈ જાય ત્યારે કાઢી લો. હવે ઘીમાં બદામ, કાજુ, અને ખારેકને થોડા-થોડા તળીને કાઢી લો. અને મિક્સરમાં ફેરવી લો, કરકરા રહેવા જોઈએ, લોટ જેવા ન વાટો. અડદની દાળ ઉપરથી કોરી થઈ જાય કે મિક્સરમાં દળી લો અને બચેલા ઘીમાં અડદનો લોટ ધીમાં ગેસ પર 15-20 મિનિટ સુધી શેકો. હવે આ શેકેલા લોટમાં બદામ, ખારેક, કોપરું, કાજુ, ગુંદર, અને દળેલી ખાંડ નાખીને સારી રીતે ભેળવી લો. થોડાક ઘીમાં સૂંઠ શેકીને દાળના મિશ્રણમાં નાખો. બે ચમચી ઘીમાં ગોળને ઝીણો વાટી ઓગાળી લો અને ગોળ ફુલે કે તરત લોટમાં મિક્સ કરો. ઈલાયચી પાવડર મિક્સ કરો. દળેલી ખાંડ પણ મિક્સ કરો. આ મિશ્રણને સારી રીતે મિક્સ કરો. લાડુ બનાવી લો. લાડુ ન વળે તો તેમા અડધો કપ ઘી અથવા દૂધ નાખીને લાડુ બનાવો.