હોટલમાં નહીં હવે ઘરે જ બનાવો ટેસ્ટી પનીર ટીક્કા મસાલા

સામગ્રી
100 ગ્રામ પનીર
100 ગ્રામ વટાણા
2 ડુંગળી,
7 કાજુ
7 કળી લસણ, કટકો આદું
1/2 ઝૂડી લીલા ધાણા
5 ટેબલસ્પૂન ટોમેટો પ્યુરી
1 ટીસ્પૂન પંજાબી ગરમ મસાલો
1 ચમચી ઘી
સ્વાદ મુજબ મીઠું
1 ચમચી મરચું
1/2 ચમચી હળદર
1/2 ચમચી – ધાણાજીરૂ

રીત :- પનીરના નાના કટકા કરી લેવાં. એક કપમાં પાણી અને કેસરી રંગ મિક્સ કરી તેમાં પનીરના કટકા પલાળી રાખવા. ડુંગળીનું છીણ કરવું. વટાણાને બાફવા-લસણ-આદુંની પેસ્ટ બનાવવી. એક વાસણમાં ઘી મૂકી, ડુંગળીનું છીણ સાંતળવું. પછી તેમાં ટોમેટો પ્યુરી નાંખી સાંતળવું. તેમાં વટાણા, પનીરના કટકા, આદું-લસણની પેસ્ટ, મીઠું, હળદર, મરચું, ધાણાજીરું, ગરમ મસાલો નાંખવો. બરાબર મિક્સ થઈ જાય એટલે ઉતારી, બાઉલમાં કાઢી, તળેલા કાજુના કટકા અને લીલાધાણા નાંખી સજાવટ કરવી.