ગાંધીનગરના કલોલમાં એક અત્યંત કરુણ અને આઘાતજનક ઘટના સામે આવી છે, જેમાં 17 વર્ષીય સગીરાનું અતિશય રક્તસ્ત્રાવ થવાના કારણે મોત નીપજ્યું છે. સગીરાના આંતરડા અને કીડનીમાં ગંભીર ઈન્ફેક્શન ફેલાઈ ગયું હતું, જે તેના મોતનું મુખ્ય કારણ બન્યું હતું. આ મામલે પેથાપુરના 22 વર્ષીય પ્રેમી સામે દુષ્કર્મનો ગંભીર આરોપ મૂકવામાં આવ્યો છે.
બનાવની ગંભીરતાને ધ્યાનમાં રાખીને સગીરાના મૃતદેહનું ફોરેન્સિક પોસ્ટમોર્ટમ કરાવવાની તજવીજ હાથ ધરવામાં આવી છે. ઘટના અંગે જાણ થતાં જ પોલીસે ત્વરિત કાર્યવાહી કરીને આરોપીને રાઉન્ડઅપ કરી લીધો છે અને વિસ્તારના સીસીટીવી ફૂટેજ ચકાસીને આગળની વધુ તપાસ શરુ કરી છે.