સુરતમાં 108ના કર્મચારીએ શ્રેષ્ઠ ઉદાહરણ પુરૂ પાડ્યું છે. 108 એમ્બ્યુલન્સના કર્મચારીએ ગર્ભવતી મહિલાની મોબાઈલની ફ્લેશ લાઈટના પ્રકાશમાં પ્રસૂતિ કરાવી છે.
સુરતના ઉધનાના હરિનગર વિસ્તારમાંથી 108ની ટીમને રાત્રે 2 વાગે ફોન આવતા ટીમ સ્થળ પર પહોંચી હતી. પરંતુ ગર્ભવતી મહિલાની હાલત ખૂબજ ખરાબ હોવાથી ટીમને સ્થળ પરજ મહિલાની પ્રસૂતિ કરવી પડી હતી.
જોકે આ વિસ્તારમાં લાઈટ ન હોવાથી ટીમે મોબાઈલની ફ્લેશ લાઈટની મદદથી પ્રસૂતિ કરી હતી. સાથે જ ટીમે હેલોજન લાઈટની મદદથી યોગ્ય તાપમાન આપીને બાળકનો જીવ બચાવ્યો હતો.
ટીમે સફળતા પૂર્વક પ્રસૂતિ કર્યા બાદ માતા અને બાળકને વધુ સારવાર માટે નજીકની સરકારી હોસ્પિટલ ખાતે ખસેડ્યા હતા.
