ગુજરાતમાં મતદાર યાદીની ખાસ સંક્ષિપ્ત સુધારણા (SIR) કામગીરીમાં જોડાનારા બુથ લેવલ અધિકારીઓ (BLO) અને BLO સુપરવાઇઝરો માટે રાજ્ય સરકારે વિશેષ ભથ્થાની જાહેરાત કરી છે. સામાન્ય વહીવટ વિભાગ (ચૂંટણી પ્રભાગ) તરફથી 17 ઓગસ્ટ, 2026ના સત્તાવાર ઠરાવ બહાર પાડી ભથ્થાની જાહેરાત કરી હતી. ઠરાવ મુજબ SIR-2026 દરમિયાન મતદારયાદીની ખાસ સુધારણા કામગીરી માટે નિયુક્ત BLOને રૂ.4,000 અને BLO સુપરવાઇઝરને રૂ.6,000નું વિશેષ એક વખતનું ભથ્થું ચૂકવવામાં આવશે. આ રકમ તેમને મળતા વાર્ષિક માનદ વેતન ઉપરાંત ચૂકવાશે. SIR કામગીરી દરમિયાન BLO અને BLO સુપરવાઇઝરો તરફથી કરવામાં આવેલી કામગીરીની સમીક્ષા મદદનીશ મતદાર નોંધણી અધિકારી કરશે. ફરજના દિવસો અને કામગીરીની સમીક્ષા બાદ નિયમ મુજબ વિશેષ ભથ્થાની ચૂકવણી કરવામાં આવશે. ઠરાવમાં સ્પષ્ટ કરવામાં આવ્યું છે કે BLO તથા BLO સુપરવાઇઝરની નિમણૂક SIR કામગીરીના સમયગાળા દરમિયાન થાય ત્યારે તેમને નિયત વિશેષ ભથ્થું ચૂકવવાનું રહેશે. કામગીરી અંગે સંબંધિત અધિકારીઓ તરફથી આપવામાં આવેલી સૂચનાઓ અને માર્ગદર્શિકાનું પાલન કરવાનું પણ રહેશે.
સરકારના ઠરાવ અનુસાર SIR-2026 દરમિયાન મતદાર યાદીની ખાસ સુધારણા કામગીરી માટે નિયુક્ત BLOને રૂ.4,000નું જ્યારે BLO સુપરવાઈઝરને રૂ.6,000નું વિશેષ ભથ્થું ચૂકવાશે. આ ભથ્થું તેમને મળતા વાર્ષિક માનદ વેતન ઉપરાંત એક વખત ચૂકવવામાં આવશે. SIRની કામગીરી દરમિયાન BLO અને BLO સુપરવાઈઝરો દ્વારા કરવામાં આવતી કામગીરીની સમીક્ષા મદદનીશ મતદાર નોંધણી અધિકારી દ્વારા કરવામાં આવશે. ફરજના દિવસો અને કામગીરીની સમીક્ષા કર્યા બાદ નિયમો મુજબ વિશેષ ભથ્થાની ચૂકવણી કરવામાં આવશે.
SIRના સમયગાળા દરમિયાન નિમણૂક થનારને પણ લાભ
ઠરાવમાં સ્પષ્ટ કરવામાં આવ્યું છે કે SIRની કામગીરીના સમયગાળા દરમિયાન BLO અથવા BLO સુપરવાઈઝરની નિમણૂક કરવામાં આવે તો તેમને નિયત વિશેષ ભથ્થું ચૂકવવાનું રહેશે. સાથે જ SIRની કામગીરી દરમિયાન સંબંધિત અધિકારીઓ દ્વારા આપવામાં આવતી સૂચનાઓ અને માર્ગદર્શિકાનું પાલન કરવાનું રહેશે.
કામગીરીની સઘન સમીક્ષા બાદ સીધા ખાતામાં જમા થશે રકમ
આ ચુકવણું મેળવવા માટે મદદનીશ મતદાર નોંધણી અધિકારી (AERO) દ્વારા તમામ કર્મચારીઓની કામગીરીની સઘન સમીક્ષા કરવામાં આવશે. કર્મચારીએ બજાવેલી ફરજના દિવસો અને તેમની કામગીરીની ગુણવત્તા ચકાસ્યા બાદ જ ચૂકવણીનો આખરી નિર્ણય લેવાશે. લાયકાત ધરાવતા અને સક્રિય કર્મચારીઓનું વાર્ષિક માનદ વેતન અને આ વિશેષ ભથ્થાની રકમ બંને એકીસાથે તેમના બેંક ખાતામાં સીધી જમા કરવામાં આવશે. રાજ્યના મુખ્ય ચૂંટણી અધિકારીના આ સત્તાવાર નિર્ણયથી ફિલ્ડ સ્ટાફની મહેનતનું યોગ્ય મૂલ્યાંકન થયું છે, જેના કારણે આગામી સમયમાં મતદાર યાદી સુધારણાની કામગીરી વધુ સચોટ અને વેગવંતી બનશે તેમ માનવામાં આવી રહ્યું છે.