LPG, ક્રેડિટ કાર્ડથી લઇને…, જુઓ 1 નવેમ્બરથી કયા-કયા ફેરફારો દેશભરમાં લાગુ થશે
1. નવેમ્બર મહિનામાં થશે અનેક મોટા ફેરફારો
Rule Change From 1st November : ઓક્ટોબર મહિનો પૂરો થવાનો છે અને નવેમ્બર શરૂ થવાનો છે. દર મહિનાની જેમ નવેમ્બર મહિનો પણ ઘણા મોટા ફેરફારો લઈને આવી રહ્યો છે. વાસ્ત્વમાં આ ફેરફારો પહેલી તારીખથી અમલમાં આવશે અને દરેક ખિસ્સાને અસર કરશે. એલપીજી સિલિન્ડરના ભાવમાં ફેરફાર થઈ શકે છે, ત્યારે ક્રેડિટ કાર્ડના નિયમોમાં પણ ફેરફાર થવા જઈ રહ્યા છે.
2. LPG સિલિન્ડરની કિંમતો
દર મહિનાની પહેલી તારીખે પેટ્રોલિયમ કંપનીઓ ગેસ સિલિન્ડરની કિંમતો બદલે છે અને નવા દરો બહાર પાડે છે. આ વખતે પણ તેની કિંમતોમાં સુધારો 1લી નવેમ્બરે જોવા મળી શકે છે. લાંબા સમયથી સ્થિર રહેલા 14 કિલોના LPG સિલિન્ડરના ભાવમાં આ વખતે લોકોને ઘટાડો થવાની આશા છે. કોમર્શિયલ ગેસ સિલિન્ડરની કિંમતની વાત કરીએ તો જુલાઈ મહિનામાં 19 કિલોના LPG સિલિન્ડરની કિંમતમાં ઘટાડો થયો હતો પરંતુ તે પછી સતત ત્રણ મહિનાથી તેમાં વધારો થઈ રહ્યો છે. આ સમયગાળા દરમિયાન એક સિલિન્ડરની કિંમતમાં 94 રૂપિયાનો વધારો થયો છે. 1 ઓક્ટોબરે દિલ્હીમાં કોમર્શિયલ સિલિન્ડર 48.50 રૂપિયા મોંઘું થયું હતું.
3. એટીએફ અને CNG-PNGના દરો
એક તરફ ઓઇલ માર્કેટિંગ કંપનીઓ દર મહિનાની 1લી તારીખે LPG ગેસ સિલિન્ડરના ભાવમાં સુધારો કરે છે, આ સાથે CNG-PNG સિવાય એર ટર્બાઇન ઇંધણમાં પણ ફેરફાર કરવામાં આવે છે. છેલ્લા કેટલાક મહિનામાં હવાઈ ઈંધણના ભાવમાં ઘટાડો જોવા મળી રહ્યો છે અને આ વખતે પણ ભાવ ઘટાડવાની તહેવારની ભેટ અપેક્ષિત છે. આ સિવાય CNG અને PNGની કિંમતોમાં પણ મોટો ફેરફાર જોવા મળી શકે છે.
4. SBI ક્રેડિટ કાર્ડના નિયમો
હવે 1 નવેમ્બરથી દેશમાં અમલમાં આવનાર ત્રીજા ફેરફાર વિશે વાત કરીએ, જે દેશની સૌથી મોટી સરકારી બેંક સાથે સંબંધિત છે. વાસ્તવમાં સ્ટેટ બેંક ઓફ ઈન્ડિયા (SBI)ની પેટાકંપની SBI કાર્ડ 1 નવેમ્બરથી મોટા ફેરફારો લાગુ કરવા જઈ રહી છે જે તેના ક્રેડિટ કાર્ડ દ્વારા યુટિલિટી બિલ પેમેન્ટ્સ અને ફાઇનાન્સ ચાર્જિસ સાથે સંબંધિત છે. જો આપણે ક્રેડિટ કાર્ડના નિયમમાં ફેરફાર વિશે વિગતવાર સમજીએ તો 1 નવેમ્બરથી તમારે અસુરક્ષિત SBI ક્રેડિટ કાર્ડ્સ પર દર મહિને 3.75 રૂપિયાનો ફાઇનાન્સ ચાર્જ ચૂકવવો પડશે. આ સિવાય વીજળી, પાણી, LPG ગેસ અને અન્ય ઉપયોગિતા સેવાઓમાં 50,000 રૂપિયાથી વધુની ચુકવણી પર 1 ટકા વધારાનો ચાર્જ ચૂકવવો પડશે.
5. મ્યુચ્યુઅલ ફંડના નિયમો
માર્કેટ રેગ્યુલેટર સેબીએ મ્યુચ્યુઅલ ફંડમાં ઇનસાઇડર ટ્રેડિંગના નિયમોને કડક બનાવવાની તૈયારી કરી છે અને તે પહેલી નવેમ્બરથી અમલમાં આવશે. વાસ્તવમાં, મ્યુચ્યુઅલ ફંડ એકમો માટે લાગુ થવા જઈ રહેલા નવા આંતરિક નિયમો અનુસાર, હવે નોમિની અને તેમના નજીકના સંબંધીઓ દ્વારા એસેટ મેનેજમેન્ટ કંપનીઓ (AMCs) ના ફંડમાં કરવામાં આવેલા રૂ. 15 લાખથી વધુના રોકાણને મંજૂરી આપવામાં આવશે નહીં. ટ્રાન્ઝેક્શન વિશેની માહિતી અનુપાલન અધિકારીને આપવાની રહેશે.
6. TRAI ના નવા નિયમો
1 નવેમ્બરથી થઈ રહેલા મોટા ફેરફારોની યાદીમાં પાંચમો ફેરફાર ટેલિકોમ સેક્ટર સાથે સંબંધિત છે અને આ નવા નિયમો પહેલી તારીખથી લાગુ થઈ શકે છે. વાસ્તવમાં સરકારે JIO, Airtel સહિતની તમામ ટેલિકોમ કંપનીઓને મેસેજ ટ્રેસિબિલિટી લાગુ કરવા માટે નિર્દેશ આપ્યો છે. આ અંતર્ગત ટેલિકોમ કંપનીઓને સ્પામ નંબર બ્લોક કરવાનો આદેશ આપવામાં આવ્યો છે. આવી સ્થિતિમાં કંપનીઓ તેમના સિમ વપરાશકર્તાઓ સુધી મેસેજ પહોંચે તે પહેલા જ મેસેજને સ્પામ લિસ્ટમાં મૂકીને નંબર બ્લોક કરી શકે છે.
