પાલકની સીઝનમાં બનાવો હેલ્ધી પાલક પનીર

સામગ્રી

પાલક 500 ગ્રામ

ખાંડ, અડધી ચમચી

પનીર 200 ગ્રામ

તેલ 2 ટેબલ સ્પૂન

થોડી હીંગ

જીરુ અડધી નાની ચમચી

કસૂરી મેથી 2 નાની ચમચી

ટામેટા 2થી 3

લીલા મરચાં 3થી 4

આદુનો નાનો ટુકડો

બેસન 2 નાની ચમચી

ક્રીમ અથવા મલાઈ 2 ટેબલ સ્પૂન

મીઠુ સ્વાદ મુજબ

ગરમ મસાલો 1/4 નાની ચમચી

લીંબૂનો રસ 2 નાની ચમચી

બનાવવાની રીત

સૌ પ્રથમ પાનને સારી રીતે ધોઈને એક વાસણમાં નાખો. ત્યારબાદ 1/4 કપ પાણી અને ખાંડ નાખીને ઢાંકીને પાલકને ઉકાળીને એક બાજુ મુકો. 5-6 મિનિટમાં પાલક ઉકળી જતા ગેસ બંધ કરો. પનીરને ચોરસ ટુકડાને તળીને બાજુ પર મુકી દો. ટામેટાને ધોઈને કાપી લો.લીલા મરચાંની દાંડિયો કાઢીને તેને સમારી લો, આદુને છોલીને બારીક ટુકડા કરો. આ બધાને મિક્સરમાં વાટી લો. કઢાઈમાં તેલ ગરમ કરી તેમાં હિંગ અને જીરુ નાખો, જીરુ સેકાયા પછી કસૂરી મેથી નાખો અને બેસન નાખીને થોડુ સેકી લો. હવે આ મસાલામાં ટામેટા, આદું, મરચાની પેસ્ટ નાખીને સેકો, હવે ક્રીમ કે મલાઈ નાખો અને મસાલો જ્યાં સુધી તેલ ન છોડે ત્યાં સુધી સેકો. ઉકાળેલી પાલકને ઠંડી કરીને મિક્સરમાં પેસ્ટ બનાવી લો. પાલકની પેસ્ટને મસાલામાં નાખી દો.રસા માટે તમને જોઈએ એટલુ પાણી અને મીઠુ નાખો.

ઉકાળો આવે પછી તેમાં પનીરના ટુકડા નાખી દો. 2 મિનિટ ઉકાળ્યા પછી ગેસ બંધ કરી દો. તો તૈયાર ‘પાલક પનીર’નુ શાક