આજે ખ્રિસ્તીઓના તહેવાર નાતાલની ઉજવણી કરવામાં આવશે. લાલ વસ્ત્રો પહેરીને ઝીંગલ બેલ સાથએ સાંતાક્લોઝ સોગાદો લઈને આવતા હોવાની ખ્રિસ્તી સમાજની માન્યા છે. ત્યારે બાળકો આજે સાન્તાક્લોઝ પાસેથી ગીફ્ટો મેળવશે અને સાથે દેશભરમાં ખ્રિસ્તીઓ નાતાલની ઉજવણી કરશે. એક બીજાને મેરી ક્રિસમસ કહીને ખ્રિસ્તીઓ શુભકામનાઓ આપશે અને એકબીજાને ભેંટ આપીને નાતાલની ઉજવણી કરશે.
સમયની સાથે આધુનિક ઉજવણીમાં પ્રખ્યાત બનેલા રીતિરિવાજોમાં ભેટ-સોગાદોની આપ-લે, સંગીત, અભિવાદન પત્રિકાઓની આપ-લે, દેવળોમાં થતી ઉજવણી, ખાસ પ્રકારનું ખાણું, વિવિધ સુશોભનોનું પ્રદર્શન જેમ કે નાતાલનું ઝાડ, લાઇટ વડે રોશની, તોરણો બાંધવા, એક જાતનાં લીલાં રંગનાં વૃક્ષની સજાવટ, ઈશુનાં જન્મનું દ્રશ્ય અને લાલ ટેટાં વાળું એક સદાપર્ણી ઝાડનું સુશોભન વગેરે બાબતોનો સમાવેશ થાય છે.
વધુમાં સાન્ટા ક્લોઝ પણ ઘણા દેશોમાં એક દંતકથા જેવું કાલ્પનિક પાત્ર છે જે આ દિવસે બાળકો માટે ભેટો લઇને આવે છે. ભેટ-સોગાદોની આપ-લે ઉપરાંત અન્ય પાસાંઓના કારણે નાતાલના તહેવારમાં ખ્રિસ્તી અને બિનખ્રિસ્તી બંને ધર્મમાં આર્થિક ગતિવિધિનું પ્રમાણ ખૂબ જ તીવ્ર બની જાય છે.
