સોલા પોલીસે ઓગણજ ગામ પાસે આવેલા કોમ્પ્લેક્ષમાંથી હુક્કાબાર ઝડપી પાડ્યું છે. પોલીસે અલગ અલગ ફ્લેવરના હુક્કા સહિતનો મુદ્દામાલ કબજે કરી હુકકાબાર ચલાવનાર જતીન પટેલ અને પરેશ વાઘેલા નામના બે શખ્સની ધરપકડ કરી છે.
સોલા પોલીસને બાતમી મળી હતી કે ઓગણજથી લપકામણ રોડ પર નવા બનતા કોમ્પ્લેક્સની એક ઓફિસમાં હુક્કાબાર ચાલી રહ્યું છે. જેના આધારે પોલીસે દરોડો પાડ્યો હતો. પોલીસે અલગ અલગ ફ્લેવરના હુક્કા, ફ્લેવરો સહિતની સામગ્રી કબ્જે કરી હતી. પોલીસે મુદ્દામાલ એફએસએલમાં મોકલી વધુ તપાસ શરૂ કરી છે.
