સરદાર વલ્લભભાઈ પટેલ ઇન્ટરનેશનલ (SVPI) એરપોર્ટ દ્વારા CISF, અમદાવાદ ફાયર ઇમરજન્સી સર્વિસીસ (AFES) અને અન્ય સંબંધિત હિસ્સેદારોના સહયોગથી નિર્ધારિત સુરક્ષા પ્રોટોકોલ અનુસાર 26 માર્ચ 2025 ના રોજ ટર્મિનલ 2 (T2) પર સિમ્યુલેટેડ ટર્મિનલ ઇવેક્યુએશન મોક એક્સરસાઇઝનું આયોજન કરવામાં આવ્યું હતું.
આ મોક ડ્રીલ 12:30 વાગ્યે શરૂ થઈ હતી અને વિવિધ પરિમાણોની સફળ સમીક્ષા બાદ 13:30 વાગ્યે પૂર્ણ થઈ હતી. રનવે બંધ થવા દરમિયાન હાથ ધરવામાં આવેલી આ કવાયતમાં એરપોર્ટની કામગીરી પર કોઈ અસર ન પડે તેની ખાતરી કરવામાં આવી હતી. આ મોકડ્રીલ કરવાનો હેતુ SVPI એરપોર્ટ પર હિસ્સેદારોને કટોકટી પ્રતિભાવ અને મુસાફરોની સલામતી માટે સહયોગ માટેની તૈયારી સુનિશ્ચિત કરવાનો હતો.
SVPI એરપોર્ટ મુસાફરોની સલામતી, સુરક્ષા અને સુખાકારીને સર્વોચ્ચ પ્રાથમિકતા આપે છે.
આ પણ વાંચો, 30 એપ્રિલથી ચારધામ યાત્રા શરૂ:રીલ બનાવનારને નો એન્ટ્રી,અત્યાર સુધીમાં 9 લાખ રજિસ્ટ્રેશન