અમદાવાદ શહેરને નવા પોલીસ કમિશનર મળ્યા છે. જી.એસ. મલિકે ચાર્જ સંભાળ્યો હતો. કમિશનર કચેરી ખાતે અમદાવાદના નવા પોલીસ કમિશનરને ગાર્ડ ઓફ ઓનર આપીને સન્માન કરવામાં આવ્યું હતું. આ દરમિયાન અમદાવાદ શહેરના તમામ ઉચ્ચ પોલીસ અધિકારીઓ કમિશનર કચેરીએ હાજર રહ્યા હતા.
જી.એસ.મલિક 1993 બેચના IPS અધિકારી છે. 8 જાન્યુઆરી 1994ના રોજ IPS તરીકે નિમણૂક કરવામાં આવી હતી. તેઓ ગુજરાતમાં અમદાવાદ, વડોદરા, ગાંધીનગર અને નર્મદા સહિતના જિલ્લામાં ફરજ બજાવી ચૂક્યા છે. જી.એસ. મલિક BSFના વડા તરીકે પણ ફરજ બજાવી ચૂક્યા છે.
