મોંઘવારીનો માર સહન કરી રહેલી સામાન્ય જનતા પર વધુ એક આર્થિક બોજ પડ્યો છે. અમૂલ દ્વારા તાજેતરમાં દૂધના ભાવમાં વધારો કર્યા બાદ હવે દહીં અને લસ્સી જેવી દૂધની અન્ય બનાવટોના ભાવમાં પણ વધારો ઝીંકવામાં આવ્યો છે. 14 નવેમ્બરની સવારથી જ અમૂલે કોઈ પણ મોટી જાહેરાત વિના ગુપચુપ રીતે આ નવા ભાવ અમલમાં મૂકી દેતા ખળભળાટ મચી જવા પામ્યો છે.
અમૂલના સૌથી વધુ વેચાતા ઉત્પાદનોમાંના એક ‘અમૂલ મસ્તી દહીં’ના ભાવમાં પ્રતિ કિલો દીઠ 5 રૂપિયાનો વધારો કરવામાં આવ્યો છે.
અમૂલ દ્વારા અલગ-અલગ પેકિંગ મુજબ નવા ભાવ નીચે મુજબ છે.
- અમૂલ મસ્તી દહીંના ભાવમાં પ્રતિ કિલો 5 રૂપિયાનો વધારો
- અમૂલ મસ્તી દહીં 1 KG નો જૂનો ભાવ 80 રૂપિયા
- અમૂલ મસ્તી દહીં 1 KG નો નવો ભાવ 85 રૂપિયા
- અમૂલ મસ્તી દહીં 380 ગ્રામ જૂનો ભાવ 35 રૂપિયા
- અમૂલ મસ્તી દહીં 380 ગ્રામ નવો ભાવ 37 રૂપિયા
- અમૂલ મસ્તી દહીં બકેટ 1 kG ના ભાવમાં 5 રૂપિયાનો વધારો
- અમૂલ મસ્તી દહીં બકેટ 1 kG નો જૂનો ભાવ 115 રૂપિયા
- અમૂલ મસ્તી દહીં બકેટ 1 kG નો જૂનો ભાવ 120 રૂપિયા
- અમૂલ પ્રો. બાયોટિક રોઝ લસ્સીના ભાવમાં 2 રૂપિયાનો વધારો
- અમૂલ પ્રો. બાયોટિક રોઝ લસ્સીનો જુનો ભાવ 15 રૂપિયા
- અમૂલ પ્રો. બાયોટિક રોઝ લસ્સીનો નવો ભાવ 17 રૂપિયા
દહીંની સાથે-સાથે અમૂલે લસ્સીના ભાવમાં પણ વધારો કર્યો છે. ‘અમૂલ પ્રો-બાયોટિક રોઝ લસ્સી’ના ભાવમાં 2 રૂપિયાનો વધારો કરવામાં આવ્યો છે. અગાઉ 15 રૂપિયામાં મળતી આ લસ્સી માટે હવે ગ્રાહકોએ 17 રૂપિયા ચૂકવવા પડશે.
ચૂપચાપ રીતે આ ભાવ વધારો લાગુ કરી દેવાતા ગ્રાહકોમાં કચવાટ
દૂધ બાદ હવે રોજિંદા વપરાશમાં લેવાતા દહીં અને લસ્સી જેવા ઉત્પાદનો મોંઘા થતાં મધ્યમ વર્ગના પરિવારો અને ગૃહિણીઓના રસોડાનું બજેટ ખોરવાયું છે. ખાસ કરીને 14 નવેમ્બરની સવારથી જ ચૂપચાપ રીતે આ ભાવ વધારો લાગુ કરી દેવાતા ગ્રાહકોમાં કચવાટ જોવા મળી રહ્યો છે.